ۇلتتىق بانكتىڭ ءتوراعاسى ەربولات دوسايەۆ الماتى قالاسىنىڭ اكىمى قىزمەتىنە تاعايىندالعانى حابارلاندى. بۇل تۋرالى كوپتەگەن اقپارات رەسۋرستارى جازىپ جاتىر. اقپارات ازىرگە رەسمي تۇردە راستالعان جوق.

Yedilov تەلەگرام كانالى قالانىڭ جاڭا اكىمىن ءماسليحات دەپۋتاتتارىنىڭ الدىندا تانىستىرۋ نۇر-سۇلتان-الماتى رەيسىنىڭ كەشىگۋىنە بايلانىستى كەيىنگە قالدىرىلعانىن حابارلادى.

بۇعان دەيىن الماتى قالاسىن باقىتجان ساعىنتايەۆ باسقارعان.

ەربولات دوسايەۆ 1970 جىلى 21 مامىردا الماتى قالاسىندا تۋعان. ول الماتى ەنەرگەتيكالىق ينستيتۋتىن، باۋمان اتىنداعى ماسكەۋ مەملەكەتتىك تەحنيكالىق ۋنيۆەرسيتەتىن بىتىرگەن. 

1997 جىلى "تۇران الەم بانكى" جاق باسقارما ءتوراعاسىنىڭ ورىنباسارى، "اتف بانك" جاق باسقارما ءتوراعاسى بولعان.

1998 جىلى قازاقستان رەسپۋبليكاسى پرەمەر-مينيسترى كەڭەسشىسى، ەنەرگەتيكا، يندۋستريا جانە ساۋدا ۆيسە-مينيسترى قىزمەتتەرىن اتقارعان.

2000 جىلى قازاقستان رەسپۋبليكاسى قارجى ۆيسە-مينيسترى، 2001 جىلى قازاقستان دامۋ بانكى ديرەكتورلار كەڭەسىنىڭ ءتوراعاسى بولعان.

2004-2006 جىلدارى قازاقستان رەسپۋبليكاسىنىڭ دەنساۋلىق ساقتاۋ ءمينيسترى قىزمەتىن دە اتقارعان.

2016 جىلى "بايتەرەك" ۇلتتىق باسقارۋشى حولدينگىن باسقارعان.

2019 جىلدىڭ 25 اقپانىندا ۇلتتىق بانكتىڭ ءتوراعاسى قىزمەتىنە تاعايىندالعان.