پرەمەر-مينيستر ءاليحان سمايىلوۆ ۇكىمەتتىڭ كەڭەيتىلگەن وتىرىسىندا قازاقستاندا ۋتيليزاسيالىق الىم ستاۆكاسى ايتارلىقتاي تومەندەيتىنىن مالىمدەدى.
– قورشاعان ورتانى لاستايتىن زاتتاردى ازايتۋعا، قالدىقتار مەن سۋ رەسۋرستارىن باسقارۋ جۇيەسىن جەتىلدىرۋگە، كولدەردى قالپىنا كەلتىرۋگە باعىتتالعان شارالار جۇزەگە اسىرىلىپ جاتىر. اۆتوكولىك پەن اۋىل شارۋاشىلىعى تەحنيكاسىنان الىناتىن ۋتيليزاسيالىق الىم ستاۆكاسىن اجەپتاۋىر تومەندەتۋ كوزدەلىپ وتىر، – دەدى سمايىلوۆ.
سونىمەن قاتار ۇكىمەت باسشىسى تەحنولوگيالىق قاجەتتىلىكتەر ءۇشىن تۇششى سۋدى تۇتىنۋدى ازايتۋ، قوقىس ورىندارىنىڭ سانىن قىسقارتۋ شارالارى جۇرگىزىلەتىنىن اتاپ ءوتتى.
توقايەۆ 11 قاڭتاردا ۋتيل الىمى مولشەرىن قايتا قاراپ، جەكەمەنشىك "وكم وپەراتورى" كومپانياسىنىڭ قىزمەتىن توقتاتۋدى تاپسىرعان.
بۇگىن پرەزيدەنت قاسىم-جومارت توقايەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى ءوتىپ جاتىر.
پىكىر قالدىرۋ