ءبىلىم جانە عىلىم ۆيسە-مينيسترى قىزمەتىنە ايبات ءىلياسوۆ تاعايىندالدى. بۇل تۋرالى پرەمەر-مينيستردىڭ باسپا ءسوز قىزمەتى حابارلادى.
ايبات ءىلياسوۆ 1982 جىلى دۇنيەگە كەلگەن. "ەسەپتەۋ تەحنيكاسى جانە باعدارلامالىق قامتاماسىز ەتۋ" ماماندىعى بويىنشا جوعارى ءبىلىمى بار.
2006 جىلدان 2007 جىلعا دەيىن "ۇلتتىق اقپاراتتىق تەحنولوگيالار" اق اعا ينجەنەر-ەلەكترونيگى، باس مامانى بولىپ قىزمەت ەتكەن.
2008 جىلدان 2009 جىلعا دەيىن "تەلەكوممۋنيكاسيا سالاسىنداعى تەحنيكالىق سۇيەمەلدەۋ جانە تالداۋ ورتالىعى" رمك باس مامانى بولدى.
2009 جىلدان 2012 جىلعا دەيىن ق ر جوعارعى سوتى جانىنداعى سوتتاردىڭ قىزمەتىن قامتاماسىز ەتۋ دەپارتامەنتىنىڭ باس ساراپشىسى، سەكتور مەڭگەرۋشىسى، ق ر ادىلەت مينيسترلىگىنىڭ اقپاراتتاندىرۋ جانە اقپاراتتىق رەسۋرستاردى قورعاۋ باسقارماسىنىڭ باس ساراپشىسى، باسقارما باسشىسىنىڭ مىندەتىن اتقارۋشى بولىپ جۇمىس ىستەدى.
2013 جىلعى ناۋرىز ايىنان 2022 جىلعى اقپانعا دەيىن قازاقستان رەسپۋبليكاسى ادىلەت مينيسترلىگىنىڭ اقپاراتتاندىرۋ جانە اقپاراتتىق رەسۋرستاردى قورعاۋ باسقارماسىنىڭ باسشىسى، سيفرلاندىرۋ جانە مەملەكەتتىك قىزمەتتەردى اۆتوماتتاندىرۋ دەپارتامەنتىنىڭ ديرەكتورى قىزمەتىن اتقارعان.
پىكىر قالدىرۋ