ۋكراينانىڭ ىشكى ىستەر ءمينيسترى دەنيس موناستىرسكيي BBC-گە سۇحبات بەرىپ، ەلدەگى جاعداي تۋرالى باياندادى.
– پرەزيدەنت مەنەن كۇن سايىن سۇرايدى، ءبىز كۇن سايىن جاعداي مەن بولىپ جاتقان وزگەرىستەرگە كۇش-جىگەرىمىزدى ۇيلەستىرەمىز جانە كۇن سايىن جاعداي كۇردەلى، ءبىراق تۇراقتى دەپ جاۋاپ بەرەمىز. ءيا، شىنىندا دا، جاۋ ءار كۇنى كوبىرەك كۇش جىبەرىپ جاتىر. ءبىراق ءبىزدىڭ داڭقتى قارۋلى كۇشتەرىمىز كييەۆكە كەلگەندەردىڭ بارلىعىن نەگىزىنەن تالقانداپ جاتىر. كييەۆ باستى سوققىنىڭ ورنى بولىپ قالا بەرەدى، – دەدى ول.
ونىڭ سوزىنشە، ۇلتتىق گۆارديا، ۇلتتىق پوليسيا، قاۋىپسىزدىك قىزمەتى جانە قورعانىس مينيسترلىگىنىڭ اسكەري بارلاۋ باسقارماسى كەز كەلگەن سەنارييگە دايىندالىپ جاتىر.
– ءبىز ديۆەرسانتتاردى ىزدەستىرۋ جانە ۇستاۋ ءۇشىن ءموبيلدى توپتار قۇرىپ جاتىرمىز. تاۋلىك ۋاقىتىنا بايلانىستى كييەۆتە وسىنداي 100-گە دەيىن توپ بەلسەندى جۇمىس ىستەيدى. قالادا (ولار جۇمىس ىستەپ جاتقان كەزدە) اتىس ەستىلىپ جاتىر. كوپتەگەن ادامدار تۇتقىنعا الىندى، ءبىزدىڭ ماماندار ولارمەن جۇمىس ىستەيدى.
ءبىز جالپى قالاداعى جاعدايدى ءوز باقىلاۋىمىزدا ۇستايتىنىمىزدى تۇسىنەمىز، ءبىراق ساعات سايىن، ءتىپتى مينۋت سايىن شەشىلەتىن ماسەلەلەر كوپ، – دەپ جاۋاپ بەردى ۋكراينانىڭ ىشكى ىستەر ءمينيسترى دەنيس موناستىرسكيي.
پىكىر قالدىرۋ