پارلامەنتتىڭ تومەنگى پالاتاسى ءماجىلىس دەپۋتاتى داريعا نازاربايەۆانىڭ وكىلەتتىگىن مەرزىمىنەن بۇرىن توقتاتتى.
نازاربايەۆانىڭ وتستاۆكاسىنا 99 دەپۋتات داۋىس بەرسە، 1 دەپۋتات قالىس قالعان. داريعا نازاربايەۆانىڭ ءوزى وتىرىسقا قاتىسقان جوق.
قاڭتار وقيعاسىنان بەرى ماجىلىستەگى وتىرىستارعا كەلمەگەن داريعا نازاربايەۆا 25 اقپان كۇنى ورتالىق سايلاۋ كوميسسياسىنا دەپۋتاتتىق وكىلەتتىگىن توقتاتۋ تۋرالى ءوتىنىش بەرگەن.
رەسمي اقپارات بويىنشا ول كوروناۆيرۋس جۇقتىرىپ، الماتىداعى ۇيىندە ەمدەلىپ جاتتى. بەيرەسمي اقپاراتتاردا دۋبايدا ەكەنى ايتىلعان.
ول 28 قاڭتاردا NurOtan پارتياسى ساياسي كەڭەسى قۇرامىنان شىعارىلعان.
قاڭتار وقيعاسىنا دەيىن بيلىك قاتارىندا، كۆازيمەملەكەتتىك سەكتوردا باسشىلىق قىزمەتتە بولعان ەكس-پرەزيدەنت نۇرسۇلتان نازاربايەۆ اۋلەتىنىڭ وكىلدەرى وسىلايشا تولىقتاي قىزمەتتەرىنەن كەتتى.
پىكىر قالدىرۋ