كونسەرت بازاردا، تەمىرجول ۆوكزالىندا جانە ساۋدا ويىن-سايىق كەشەندەرى مەن قارتتار ۇيىندە ءوتتى.
انشىلەر ۇلتتىق كيىممەن كوك بازارعا بارىپ، ساتۋشىلارعا ءان سالىپ، بىرگە بي بيلەۋ ارقىلى بازار قىزمەتكەرلەرىن قۋانتىپ، مەرەكەلىك كوڭىل-كۇي سىيلادى.
ونەرپازدار بۇدان بولەك قارتتار ۇيىندەگى اتا-اجەلەردى ناۋرىز مەرەكەسىمەن قۇتتىقتاپ باردى. ۆيدەودان قارتتاردىڭ قۋانعانى جۇزدەرىنەن كورىنىپ تۇر.
مەرەكەلىك توسىنسىي الىستاعى اۋىلىنا اسىققان ستۋدەنتتەر مەن تۋىستارىنا جول تارتقان جولاۋشىلار جينالعان الماتى-2 تەمىرجول ۆوكزالىندا جالعاستى. ۆوكزالعا ساۋ ەتە قالعان انشىلەردىڭ ءانى قارتايعان قارتتىڭ دا، كىشكەنتاي بالانىڭ دا ەزۋىنە كۇلكى ءۇيىردى.
يمپراۆيزاسيالىق ءىس-شارا ۇيىمداستىرۋشىلارى قالاداعى بىرنەشە اۋلاعا دا باس سۇقتى.
"ءبىز توسىننان پايدا بولىپ، كوپشىلىككە ءان ايتىپ، كولاردى كۇلدىرىپ، قۋانىش سىيلاعىمىز كەلدى. بۇل قولىمىزدان كەلدى دە. ءبىزدى ارىستەر دە قولدادى" دەيدى ۇيىمداستىرۋشىلاردىڭ ءبىرى.
پىكىر قالدىرۋ