رەسەي قورعانىس ءمينيسترىنىڭ ورىنباسارى كييەۆ پەن چەرنيگوۆ قالاسىنىڭ اينالاسىنداعى ۇرىس قيمىلدارىن كۇرت قىسقارتاتىنىن ايتتى. ول ۋكراينا دەلەگاسياسىمەن بەتپە-بەت كەلىسسوزدەر جۇرگىزۋ ءۇشىن ىستامبۇلدا رەسمي تۇلعالاردىڭ قاتارىندا بولعان.
كەلىسسوزگە مۇرىندىق بولعان تۇركيا پرەزيدەنتى ەردوعان بۇگىنگى ناتيجەنىڭ ايتارلىقتاي ىلگەرىلەۋشىلىك بولعانىن ايتتى. ءبىراق اقش مەملەكەتتىك حاتشىسى انتوني بلينكەن "رەسەيدىڭ ايتقانى مەن ىستەپ جاتقانىنىڭ اراسىندا ايىرماشىلىق بار" دەيدى.
چەرنيگوۆ مەرى رەسەيلىكتەر سوزىندە تۇرا ما، تۇرماي ما، ۋاقىت كورسەتەتىنىن ايتادى.
ال رەسەيلىك كەلىسسوزشى دەەسكالاسيا "اتىستى توقتاتۋ ەمەس" دەپ ەسكەرتەدى.
اقش شەنەۋنىگىنىڭ ايتۋىنشا، كەيبىر رەسەيلىك اسكەر كييەۆتىڭ ماڭىنان كەتىپ جاتىر، ءبىراق مۇنىڭ "نە ماعىنا بىلدىرەتىنىن ۋاقىت كورسەتەدى".
ۋكراينا كومانداسى "بەيتاراپ" ستاتۋستى قابىلدايتىنىن ايتتى، بۇل ناتو سياقتى اليانستارعا قوسىلماۋ دەگەندى بىلدىرەدى.
اقش تا، ۇلىبريتانيا دا رەسەيدى سوزىمەن ەمەس، ىس-ارەكەتىمەن باعالايتىنىن جەتكىزدى.
پىكىر قالدىرۋ