ەڭبەك جانە حالىقتى الەۋمەتتىك قورعاۋ مينيسترلىگى 1 ساۋىردەگى جاعداي بويىنشا 3 078 ەتنيكالىق قازاق تاريحي وتانىنا ورالىپ، قانداس مارتەبەسىن العانىن حابارلادى. 1991 جىلدان بەرى 1 ميلليون 90،1 مىڭ ەتنيكالىق قازاق اتامەكەنىنە كەلگەن.

جىل باسىنان قازاقستانعا كەلگەن قانداستاردىڭ جارتىسىنان كوبى (66،3%) وزبەكستاننان، 11،3% – قىتايدان، 10،9% – تۇرىكمەنستاننان، 2،2% – موڭعوليادان جانە 9،3% باسقا ەلدەردەن.

كەلگەن ەتنيكالىق قازاقتار نەگىزىنەن الماتى (30،2%)، ماڭعىستاۋ (19%)، تۇركىستان (11،4%) جانە جامبىل (5،9%) وبلىستارىنا، سونداي-اق الماتى (6،5%)، نۇر-سۇلتان (7،1%) جانە شىمكەنت (7،6%) قالالارىنا قونىستاندى.

1 ساۋىردەگى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى 62،7%-دى، ەڭبەككە قابىلەتتى جاستان كىشى 23،2%-دى جانە زەينەتكەرلەر 14،1%-دى قۇرايدى.

ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا 11،5%-ى جوعارى ءبىلىمدى، 39،6%-ى ورتا كاسىبي ءبىلىمدى، 47%-ى جالپى ورتا ءبىلىمدى جانە 1،8%-ىنىڭ ءبىلىمى جوق.