BBC ۋكرايناداعى جاعدايعا بايلانىستى رەسەي تاراتىپ جاتقان اقپاراتتارعا قاتىستى شاعىن ساراپتاما جاريالادى.

ۆۆس مالىمەتىنشە، پۋتين باتىس سانكسيالارىن بوستاندىق ءۇشىن رەسەي تولەۋگە ءتيىس قۇن دەپ تۇسىندىرەدى. سونداي-اق ول رەسەيدىڭ دامۋىنا نۇقسان كەلتىرۋ ءۇشىن باتىس جىلدار بويى ماسكەۋگە قارسى ەكونوميكالىق سوعىس جۇرگىزىپ جاتىر دەيدى.

ول ۋكرايناداعى سوعىستان زارداپ شەگۋشى ورىس حالقى ەكەنىن جەتكىزۋگە تىرىسىپ، ۋكراينادا بولىپ جاتقان وقيعالارعا ماسكەۋ سەبەپشى ەمەس ەكەنىن ايتادى.

كرەملدىڭ نۇسقاسى بويىنشا، ۋكرايناداعى جاعداي سوعىس ەمەس، تەك ۋكراينانىڭ شىعىسىندا تۇراتىن ءورىستىلدى حالىقتىڭ مۇددەسىن قورعاۋعا ارنالعان ارنايى اسكەري وپەراسيا.

سونىمەن قاتار كرەمل ۋكراينانى ناعىز اگرەسسور رەتىندە كورسەتىپ جاتىر.

كرەمل "ۋكراينا رەسەيگە قارسى يادرولىق جانە بيولوگيالىق قارۋ قولدانعىسى كەلەدى" دەپ، سول ارقىلى رەسەيلىكتەرگە سونداي قارۋلاردى وزدەرى قولدانۋ ىقتيمالدىعى تۋرالى ويدى جەتكىزگىسى كەلەدى.

بۋچادا تۇسىرىلگەن كادرلاردى "جالعان" دەپ تانيدى.

رەسەيدە رەسميدەن بولەك كەز كەلگەن بالاما اقپارات كوزدەرىنە، ءتىپتى الەۋمەتتىك مەديا ارنالارىنا قول جەتكىزۋ وتە قيىن، ولاردىڭ كوپشىلىگى بۇعاتتالعان.