رەسەي قورعانىس مينيسترلىگى ۋكراينانىڭ استاناسى كييەۆكە زىمىراندىق سوققىلار جاساعانىن ءمالىم ەتتى.
ماسكەۋ ۋكراينانى رەسەيدە تەراكت ۇيىمداستىردى دەپ كەك الۋ ماقساتىندا شابۋىلداردى كۇشەيەتىنىن ەسكەرتتى.
رەسەي قاناتتى زىمىراندارى كييەۆتەگى اۋە قورعانىسى جۇيەلەرى مەن كەمەگە قارسى زىمىراندار شىعاراتىن زاۋىتقا تۇندە سوققى بەرگەنىن ايتتى.
"زاۋىتتىڭ ۇزاق جانە ورتا قاشىقتىققا ۇشاتىن زەنيتتىك-زىمىراندىق كەشەندەرى، سونداي-اق كەمەگە قارسى زىمىراندار شىعاراتىن جانە جوندەۋگە ارنالعان شەبەرحانالارى جويىلدى" دەلىنگەن مينيسترلىكتىڭ Telegram-كانالىندا جاريالاعان مالىمدەمەسىندە.
بەيسەنبىدە ماسكەۋ ۋكراينانى "رەسەيدىڭ بىرنەشە قالاسىنا شابۋىل جاساۋ ءۇشىن شەكارادان تىكۇشاق جىبەردى" دەپ ايىپتاعان.
پىكىر قالدىرۋ