الماتىداعى اقىلى اۆتوتۇراقتار وپەراتورلارىنىڭ ءبىرى "الماتى سپەستەحپاركينگ سەرۆيس" ج ش س ديرەكتورى مارات پرينبەكوۆ ەكى ايعا قاماۋعا الىندى، دەپ حابارلادى قازاقپارات.
"تەرگەۋ سوتىنىڭ قاۋلىسى بويىنشا سوتالدى تەرگەپ-تەكسەرۋ ورگانىنىڭ ءوتىنىشحاتى قاناعاتتاندىرىلدى. سوت "الماتى سپەستەحپاركينگ سەرۆيس" ج ش س ديرەكتورى پىرىنبەكوۆكە قاتىستى بۇرىن تاڭدالعان 2 اي مەرزىمگە، ياعني 2022 جىلدىڭ 15 ماۋسىمىنا دەيىن قاماۋعا الۋ تۇرىندەگى بۇلتارتپاۋ شاراسىن سانكسيالادى" دەلىنگەن قالالىق سوتتىڭ حابارلاماسىندا.
بۇعان دەيىن Alan Parking كومپانياسىنىڭ ديرەكتورى مۇحتار بازاربايەۆ قاماۋعا الىنعان.
الماتىداعى اقىلى اۆتوتۇراقتار 2016 جىلى ەنگىزىلگەن. الماتى قالاسى قالالىق موبيلدىلىك باسقارماسىنىڭ مالىمەتىنشە، بۇگىندە 11 مىڭ اقىلى ورىن بار.
پىكىر قالدىرۋ