بىرىككەن ۇلتتار ۇيىمىنىڭ باس حاتشىسى انتونيۋ گۋتەرريش كييەۆتە ۋكراينا پرەزيدەنتى ۆلاديمير زەلەنسكييمەن كەزدەسكەن كەزدە رەسەي ۋكراينا استاناسىن شابۋىلدادى..
زەلەنسكيي رەسەيدى "بۇۇ-نى ماسقارالاۋعا تىرىستى" دەپ ايىپتادى.
ال كييەۆ مەرى ۆيتاليي كليچكو بۇۇ باس حاتشىسىنىڭ ساپارى كەزىندە رەسەي كييەۆكە زىمىرانمەن سوققى جاساۋىن "ءپۋتيننىڭ ورتاڭعى ساۋساعىن كورسەتۋى" دەپ سيپاتتايدى.
"بۇل (شابۋىلدىڭ) سيمۆولدىق ءمانى بار، ءدال ءقازىر مۇندا بىرىككەن ۇلتتار ۇيىمىنىڭ باس حاتشىسى ءجۇر. بۇل وعان سالەم دەپ اتالادى. پۋتين وسى ساتتە ورتاڭعى ساۋساعىن كورسەتتى. ول ءبىزدىڭ ۇيلەرىمىزدى اتقىلاپ، قيراتىپ جاتىر. ونىڭ كوزدەگەنى ءۇي ەمەس، ادام" دەيدى كييەۆ مەرى.
ماسكەۋ كەشە تۇندە كييەۆتى، ونىڭ ىشىندە زىمىران شىعاراتىن نىساندى نىساناعا العانىن راستاعان.
ناتو باس حاتشىسىنىڭ ورىنباسارى ميرچا گەوانا ۆۆس-گە بەرگەن سۇحباتىندا ۋكرايناداعى سوعىستىڭ بىرنەشە جىلعا جالعاسۋى مۇمكىن ەكەنىن ايتتى.
پىكىر قالدىرۋ