ورتالىق كوممۋنيكاسيالار قىزمەتى الاڭىنداعى بريفينگتە "ازاماتتارعا ارنالعان ۇكىمەت" مەملەكەتتىك كورپوراسياسىنىڭ" باسقارما ءتوراعاسى سۇيەنىش ءابدىلدين الداعى ۋاقىتتا حقكو-لاردا قۇجاتتاندىرۋ تەرمينالدارىن ورناتاتىنىن ايتتى.
– بىلتىر 2،4 ملن-نان استام قازاقستاندىق حقكو ارقىلى جاڭا ءتولقۇجات پەن جەكە كۋالىكتەر العان. قىزمەت ءىشىنارا اۆتوماتتاندىرىلعان، بۇل قىزمەتتى ءار حقو-دا تەك كوشى-قون پوليسياسىنىڭ ەكى قىزمەتكەرى كورسەتەدى. سونىمەن قاتار كليەنتتەر قۇجاتتاعى فوتوسۋرەتىنىڭ ساپاسىنا كوڭىلى تولماي، ءجيى شاعىمدانادى. سوندىقتان ءبىز حقكو-لاردا قۇجاتتاندىرۋ تەرمينالدارىن ورناتۋدى ۇسىندىق. قۇجاتتاۋ تەرمينالدارى بيومەتريالىق جۇيەمەن جانە تۇسىنىكتى ينتەرفەيسپەن جابدىقتالعان. ازاماتتار ءوز بەتىنشە سۋرەتكە ءتۇسىپ، ءساتتى شىققان نۇسقانى تاڭداپ، كوشى-قون پوليسياسى قىزمەتكەرىنە ءوتىنىم جىبەرە الادى. بۇگىندە مۇنداي تەرمينالداردى پيلوتتىق رەجيمدە ىسكە قوسۋعا قاتىستى ىىم-مەن بىرلەسكەن بۇيرىققا قول قويۋ جونىندەگى ماسەلە شەشىلىپ جاتىر، – دەدى سپيكەر.
سۇيەنىش ءابدىلدين بىلتىر بانكتەردىڭ موبايل قوسىمشالارىندا كولىكتى قايتا تىركەۋ قىزمەتى ىسكە قوسىلعاننىڭ ارقاسىندا اۆتوكولىكتى تىركەۋ ۋاقىتى 15-25 مينۋتقا دەيىن قىسقارعانىن اتاپ ءوتتى.
سونداي-اق سپيكەر الەۋمەتتىك سالاداعى مەملەكەتتىك قىزمەتتەردى بانكتەردىڭ موبايل قوسىمشالارى ارقىلى الۋ جاقسى دامىپ كەلە جاتقانىن، سوڭعى ءبىر جىلدا Kaspi جانە Halyq Homebank قوسىمشالارى ارقىلى 16 مىڭ قىزمەت كورسەتىلگەنىن ايتادى.
پىكىر قالدىرۋ