ۋكراينانىڭ شىعىسىندا بولىپ جاتقان ۇرىس قيمىلدارى تۋرالى سوڭعى اقپاراتتاردى ۇسىنىپ وتىرمىز.
♦ يزيۋم قالاسىنداعى شايقاستان قۇلاعان عيماراتتىڭ قيراندىلارىنان 44 بەيبىت تۇرعىننىڭ ءمايىتى تابىلدى. بەس قاباتتى عيمارات ناۋرىز ايىندا قۇلاعان، تۇرعىندار رەسەي كۇشتەرى اتقىلاعان كەزدە جەرتولەگە جاسىرىنعان. قۇتقارۋشىلار عيماراتقا ەندى عانا جەتتى.
حاركوۆتىڭ وڭتۇستىك-شىعىسىندا ورنالاسقان يزيۋم دونباسستىڭ قاقپاسى رەتىندە سانالادى. ونىڭ اينالاسى ورماندار مەن وزەندەرمەن قورشالعان، بۇل – ونى تابيعي بەكىنىسكە اينالدىرادى.
♦ ماريۋپول ءۇشىن شايقاس ازوۆستال مەتاللۋرگيالىق زاۋىتىندا ءوتىپ جاتىر. وندا جۇزدەگەن ۋكراين جاۋىنگەرى جەراستى تۋننەلدەرى مەن بۋنكەرلەردە جان الىسىپ، جان بەرۋدە. رەسەي اسكەرى ولاردى قورشاۋعا العان.
ءماريۋپولدى باسىپ الۋ ماسكەۋدىڭ نەگىزگى ماقساتى، ويتكەنى بۇل – ۋكراينانىڭ ەڭ ۇلكەن پورتتارىنىڭ ءبىرىن باقىلاۋعا جانە كەڭ ايماققا وڭاي قول جەتكىزۋگە مۇمكىندىك بەرەدى.
♦ ودەسسا پورتىندا تۇندە زىمىران بىرنەشە عيماراتقا ءتيىپ، جاقىن ماڭداعى ۇيلەردى تەڭسەلتتى. ءبىر ادام قازا تاۋىپ، بەس ادام جارالانعان.
دەرەككوز: BBC
