ماريۋپولدەگى "ازوۆستال" زاۋىتىنان ۋكراينالىق ساربازداردى ەۆاكۋاسيالاۋ جالعاسىپ جاتىر. رەسەي ب ا ق وكىلدەرىنىڭ مالىمەتى بويىنشا، 16 مامىردان بەرى "ازوۆستال" زاۋىتىنان 959 ۋكراينالىق سارباز شىعارىلعان.
"ۋكراينا ساربازدارىنىڭ جارتىسىنان كوبى زاۋىتتان اق جالاۋ كوتەرىپ شىقتى" دەپ پىكىر ءبىلدىردى سەپاراتيستىك دونەسك حالىق رەسپۋبليكاسىنىڭ باسشىسى دەنيس پۋشيلين.
رەسەي قورعانىس مينيسترلىگى نوۆوازوۆسك ەلدى مەكەنىندەگى اۋرۋحاناعا جەتكىزىلگەن جارالى جاۋىنگەرلەردى كورسەتتى. زاۋىتتان شىققان اسكەريلەردىڭ 80ء-ى جارالى. جارالى اسكەرلەر دحر اۋماعىنداعى نوۆوازوۆسك اۋرۋحاناسىنا جەتكىزىلگەن.
ۋكرايناداعى سوعىس باستالعالى كەسكىلەسكەن ۇرىستار جۇرگەن ماريۋپول قالاسى رەسەي اسكەرىنىڭ باقىلاۋىنا وتكەنىمەن، "ازوۆستال" زاۋىتىنداعى ۋكرايندىق جاۋىنگەرلەر ءالى كۇنگە دەيىن بەرىلمەي وتىر. ۋكراينا باسشىلىعى سەكىلدى ولار دا "ازوۆستالدەن" جارالى جاۋىنگەرلەردى ەۆاكۋاسيالاۋعا مۇمكىندىك بەرۋگە شاقىرعان. رەسەي ولار بەرىلىپ، تۇتقىنعا تۇسۋگە ءتيىس دەگەن تالاپ قويعان.
پىكىر قالدىرۋ