جۋرناليست ميحايل كوزاچكوۆ ءوزىنىڭ Telegram-كانالىندا ۇلتتىق مۋزەي ديرەكتورى ارىستانبەك مۇحامەدي ۇلى قاماۋعا الىنعانى تۋرالى اقپارات جاريالادى.
"بەيسەنبى كۇنى اۋرۋحانادان شىعىپ، ۇيگە جەتكەن كەزدە ونى انتيكور قىزمەتكەرلەرى الىپ كەتتى. ۇلتتىق مۋزەيدىڭ قازىرگى باسشىسى حالىقارالىق كورمەلەردى وتكىزۋگە بولىنگەن قارجىنى جىمقىردى دەگەن كۇدىككە ءىلىندى"، دەلىنگەن اقپاراتتا.
بۇعان دەيىن Cىبايلاس جەمقورلىققا قارسى قىزمەت ارىستانبەك مۇحامەديۇلىنا قاتىستى تەرگەۋ جۇرگىزىپ جاتقانى تۋرالى اقپارات شىققان. 1،2 ملرد تەڭگەگە جاسالعان كەلىسىمشارتتان كىنارات تاپتىق دەگەن تەرگەۋشىلەر ەكس-مينيستردى 146 ملن تەڭگەنى قالتاعا باستى دەپ ايىپتاپ وتىر. كەيىن ارىستانبەك مۇحامەدي ۇلى وزىنە قول سالماق بولىپ، تامىرىن كەسىپتى-مىس دەگەن اڭگىمە تارادى. ءبىراق اقپارات راستالماعان. الايدا ۇلتتىق مۋزەيدىڭ رەسمي وكىلى ايدار قىرىقباي ەكس-مينيستر جانساقتاۋ بولىمىنەن جالپى پالاتاعا اۋىستىرىلعانى تۋرالى مالىمدەمە جاساعان.
پىكىر قالدىرۋ