قازاقستان رەسپۋبليكاسى پارلامەنتى سەناتىنىڭ دەپۋتاتى ءلاززات جاڭىلىس قىزى سۇلەيمەن مەن قوعام قايراتكەرى سالتانات پارحات قىزى تۇرسىنبەكوۆانىڭ كونستيتۋسياعا تۇزەتۋلەردىڭ زاڭنامالىق نەگىزدەرىن ءتۇسىندىرۋ ماسەلەلەرى بويىنشا شقو-دا ءبىرقاتار كەزدەسۋلەر وتكىزدى.

ساپار اياسىندا ءلاززات سۇلەيمەن جانە سالتانات تۇرسىنبەكوۆا وسكەمەن قالاسىنداعى انا مەن بالا ورتالىعىندا بولىپ، جۇمىسىمەن تانىسىپ، مەديسينالىق كومەكتىڭ قانشالىقتى ساپالى كورسەتىلىپ جاتقانىنا كوز جەتكىزدى.

ورتالىقتىڭ سوڭعى ۇلگىدەگى جوعارى تەحنولوگيالىق مەديسينالىق قۇرىلعىلارمەن جابدىقتالعانىنا باسا نازار اۋدارىپ، اق حالاتتى ابزال جانداردىڭ ەڭبەگىنە جوعارى باعا بەردى. ورتالىق قىزمەتكەرلەرىمەن 5ء-شى ماۋسىم كۇنى بولاتىن رەفەرەندۋم تۋرالى كەزدەسۋ وتكىزىپ، ق ر كونستيتۋسياسىنا وزگەرىستەر مەن تولىقتىرۋلاردى ءتۇسىندىرىپ بەردى.

سونداي-اق داۋلەت سەرىكبايەۆ اتىنداعى شىعىس قازاقستان تەحنيكالىق ۋنيۆەرسيتەتىندە وبلىستىڭ ايەلدەر قاۋىمىمەن كەزدەسۋ وتكىزدى. ءىس-شاراعا كوپ بالالى انالاردىڭ، حالىقتىڭ الەۋمەتتىك وسال توپتارىنىڭ وكىلدەرى، شاعىن جانە ورتا بيزنەستەگى ايەلدەر قاۋىمى، شىعىس قازاقستان وبلىسىنىڭ عىلىمي جانە شىعارماشىلىق زيالى قاۋىم وكىلدەرى قاتىستى. قاتىسۋشىلار ۇسىنىلعان وزگەرىستەر مەن كونستيتۋسيالىق رەفورمانىڭ قازاقستان رەسپۋبليكاسىنىڭ ءاربىر ازاماتى ءۇشىن ماڭىزدىلىعىن تالقىلاپ، ءوز ويلارىمەن ءبولىستى.

جيىندا ءسوز العان ق ر پارلامەنتى سەناتىنىڭ دەپۋتاتى ءلاززات سۇلەيمەن حانىم ەلىمىز ءۇشىن رەفەرەندۋمنىڭ قانشالىقتى ماڭىزدى ەكەنىنە توقتالىپ، اتا زاڭىمىزعا ەنگىزىلەتىن وزگەرتۋلەر مەن تولىقتىرۋلار جايلى ايتىپ ءوتتى.

«جاڭا قازاقستان قۇرۋعا جاڭا قادام جاسالىنىپ جاتىر. وسى ۋاقىتقا دەيىن قوعامدا بولعان كەمشىلىكتەردى تۇزەتۋ ءۇشىن قاجەت. دەموكراتيالىق اشىق قوعام قۇرۋدىڭ نەگىزى بولىپ سانالادى. قازىرگى ۋاقىتتا ءبىز سۋپەرپرەزيدەنتتىك جۇيەدەن باس تارتىپ وتىرمىز. پارلامەنت كۇشەيمەك. حالىق پەن دەپۋتاتتاردىڭ اراسى جاقىندايدى. ەل الدىندا ۋادەسىن ورىنداماعان دەپۋتاتتىڭ، مانداتى قايتارىپ الىنادى. ءاربىر ازاماتتىڭ كونستيتۋتسيالىق قۇقىعى ساقتاۋلىنا باسا كوڭىل بولىنەدى. دەمەك كونستيتۋسيالىق سوتقا ازاماتتار، زاڭدى تۇلعالار جانە باسقا دا قوعام وكىلدەرى جۇگىنە الادى. ادام قۇقىعىن قورعايتىن ۋاكىلدىڭدە وكىلەتتىلىگى كۇشەيتىلمەك. سوڭعى ۋاقىتتا رەفەرەندۋمعا بارماۋعا ۇگىتتەپ جۇرگەن اقپاراتتار تاراۋدا. سوندىقتان سايلاۋشىلاردى ەلىمىزدىڭ جارقىن بولاشاعى ءۇشىن، رەفەرەندۋمعا قاتىسۋعا، داۋىس بەرۋگە شاقىرامىن» دەدى سەناتور ءلاززات جاڭىلىس قىزى.

شاراعا قاتىسۋشىلار ەلىمىزدە بولىپ جاتقان قولدايتىندارىن جەتكىزىپ، 5ء-شى ماۋسىم كۇنى رەفەرەندۋمعا ءبىر كىسىدەي قاتىساتىنىن جەتكىزدى.

شقو اقپارات ورتالىعى