داۋىس بەرۋ تاڭى ەلدىڭ شىعىسىندا بۇلتتى بولدى. شقو-نىڭ جەكەلەگەن ەلدى مەكەندەرىندە جاڭبىر جاۋدى. الايدا، قولايسىز اۋا رايى ۋچاسكەلەردەگى سايلاۋشىلاردىڭ بەلسەندىلىگىنە كەرى اسەر ەتكەن جوق.
«ۇسىنىلعان تۇزەتۋلەر-لوگيكالىق نەگىزدەلگەن قادام. ءبىز ەلىمىزدىڭ بولاشاعىنا سەنەمىز، قازاقستانعا بەيبىتشىلىك پەن گۇلدەنۋ تىلەيمىز جانە اركىم ءوزىنىڭ داۋىس بەرۋ قۇقىعىن پايدالانادى دەپ ويلايمىز» دەدى كوكپەكتى اۋدانىنىڭ سايلاۋشىسى مەيىرلى سادىقوۆا.
ال زايسان اۋدانىندا 100ء-شى سايلاۋشىعا ەستەلىك سىيلىق تابىس ەتىلدى.
«مەن قازاقستاننىڭ گۇلدەنۋى ءۇشىن ءوز تاڭداۋىمدى جاسادىم. بۇگىن مەن تاڭەرتەڭ داۋىس بەرۋگە كەلدىم. ءبىراق ءقازىردىڭ وزىندە ءجۇزىنشى سايلاۋشى بولدىم. بۇل رەفەرەندۋمداعى ۇلكەن بەلسەندىلىكتى كورسەتەدى» دەپ ەسەپتەيدى زەينەتكەر گۇلجامال اجىكوۆا.
سونىمەن قاتار، جەكسەنبى كۇنى تاڭەرتەڭ وبلىس ورتالىعىنىڭ سايلاۋ ۋچاسكەلەرىندە جاۋىن-شاشىنعا قاراماستان وتە بەلسەندى بولدى. تۇرعىندار رەفەرەندۋمنىڭ ۋچاسكەلەرىندە ۇزىن سونار كەزەك پايدا بولدى.
«مەن-اباي اتىنداعى شىعىس قازاقستان گۋمانيتارلىق كوللەدجىنىڭ ستۋدەنتىمىن. بۇگىن مەن ومىرىمدە العاش رەت داۋىس بەرۋگە قاتىسۋدامىن. ءوز داۋىسىمدى بەرۋ-مەن ءۇشىن ازاماتتىق ۇستانىمنىڭ كورىنىسى» دەيدى ستۋدەنت بالجان ورالبەك.
«بۇگىن مەن رەفەرەندۋمعا ءوز داۋىسىمدى بەرۋ ءۇشىن كەلدىم. بۇل مەنىڭ ەرەسەك ومىرىمدەگى العاشقى قادامىم. ءبىزدىڭ ەلىمىز ءۇشىن وسى ماڭىزدى وقيعاعا قاتىسقانىما قۋانىشتىمىن» دەيدى گلۋبوكوە اۋدانىنىڭ تۇرعىنى ەكاتەرينا تيۋتەنكوۆا.
سونداي-اق، بالجان مەن ەكاتەرينا سياقتى كوپتەگەن قازاقستاندىقتار رەفەرەندۋمدى سوڭعى رەت 27 جىل بۇرىن وتكىزىلگەننەن بەرى العاش رەت كورىپ وتىر. ايتا كەتەيىك، بۇگىن دە رەفەرەندۋمنىڭ 1995 جىلداعىداي كونستيتۋسيا ماسەلەسى بويىنشا وتكىزىلۋىنىڭ سيمۆولدىق ءمانى بار.
پىكىر قالدىرۋ