بۇگىنگى رەفەرەندۋمعا 18 جاسقا تولعان بارلىق ادام قاتىسۋعا قۇقىلى. ءتىپتى، ۇيىنەن ۇزاپ شىعا المايتىن قارت ادامدار دا رەفەرەندۋمعا قاتىسا الادى.

بوستاندىق اۋدانى بويىنشا  «ۋچاسكەمە جەتە الماسام دا، تاڭداۋ جاساعىم كەلەدى» دەگەن 114 ءوتىنىش كەلىپ تۇسكەن بولاتىن. ولار ءۇشىن ءقازىر ارنايى جاساقتالعان توپ شىققان.

بۇگىن كسرو حالىق ءارتيسى، مەملەكەتتىك سىيلىقتىڭ يەگەرى، بۇلبۇل ءانشىمىز بيبىگۇل تولەگەنوۆا دا ءوز تاڭداۋىن جاساپ، داۋىسىن بەردى. سەبەبى، جاس ۇرپاقتىڭ جاڭا قازاقستاندا ءومىر سۇرگەنىن قالايدى. 

وسى اۋداندا ورنالاسقان №492 سايلاۋ ۋچاسكەسىنەن پولۋكاروۆا ۆالەنتينا ياكوۆليەۆنا دا ۇيىنەن داۋىس بەردى.

ال ارداگەر پوۆود اناتوليي يۆانوۆيچ №233 ۋچاسكە بويىنشا ءوز تاڭداۋىن جاسادى.

فوتو: almaty-akshamy.kz