بۇگىن «AMANAT» پارتياسى ق ر كونستيتۋسياسىنا وزگەرىستەر مەن تولىقتىرۋلار ەنگىزۋ بويىنشا رەفەرەندۋم وتكىزۋدى قولداۋ رەسپۋبليكالىق پارتيا شتابىنىڭ جۇمىسىن قورىتىندىلادى.
پارتيا جانىنان ق ر پارلامەنتى ءماجىلىسىنىڭ ءتوراعاسى، پارتيا ءتوراعاسى ەرلان قوشانوۆتىڭ باسشىلىعىمەن رەسپۋبليكالىق شتاب قۇرىلدى. شتابقا پارلامەنت دەپۋتاتتارى، زيالى قاۋىم، مادەنيەت، سپورت، جاستار وكىلدەرى جانە ت.ب. كىردى. ايماقتاردا وبلىستىق جانە اۋداندىق دەڭگەيدەگى شتابتار قۇرىلىپ، رەسپۋبليكا بويىنشا بارلىعى 218 شتاب جۇمىس ىستەدى.
پارتيانىڭ باسپا ءسوز ورتالىعىندا وتكەن بريفينگ بارىسىندا «AMANAT» پارتياسىنىڭ اتقارۋشى حاتشىسى اسحات ورالوۆ پەن پارلامەنت ءماجىلىسى ءتوراعاسىنىڭ ورىنباسارى پاۆەل كازانسيەۆ ءاقپاراتتىق-تۇسىندىرۋ ناۋقانىنىڭ ناتيجەلەرى تۋرالى ايتتى.
«AMANAT» پارتياسى پرەزيدەنتتىڭ قوعامدىق تىرەگى رەتىندە ۇگىت-ناسيحات جۇمىسىنا ءبىرىنشى كۇننەن باستاپ بەلسەندى تۇردە كىرىسىپ كەتتى. رەسپۋبليكالىق شتاب قۇرىلدى. وعان پارتيا ءتوراعاسى ەرلان قوشانوۆ جەتەكشىلىك ەتتى. ايماقتاردا 217 شتاب جۇمىس ىستەپ، 12 مىڭنان اسا ۇگىت-ناسيحات شاراسى ءوتتى. بارلىق كەزدەسۋلەر ەركىن، اشىق فورماتتا جاسالدى. ءبىز ولاردىڭ سانىنا ەمەس، ساپاسىنا ءمان بەردىك.
كونستيتۋسيالىق وزگەرىستەردى حالىققا تۇسىنىكتى تىلمەن جەتكىزۋگە تىرىستىق. كەشە ازاماتتار ءوز تاڭداۋىن جاساپ، ەلدىڭ بولاشاق دامۋ جولىنا قاتىستى شەشىم قابىلدادى. وسى ارقىلى ەلىمىز جاڭا قازاقستاننىڭ ىرگەتاسىن قالادى. الدا كوپ جۇمىس، ۇلكەن مىندەتتەر تۇر»، دەدى اسحات ورالوۆ.
پارلامەنت ءماجىلىسى ءتوراعاسىنىڭ ورىنباسارى پاۆەل كازانسيەۆتىڭ ايتۋىنشا، دەپۋتاتتىق كورپۋستىڭ الدىندا زاڭ شىعارۋشىلىق قىزمەت بويىنشا اۋقىمدى جۇمىس تۇر.
«12 مامىر مەن 3 ماۋسىم ارالىعىندا دەپۋتاتتار ەلىمىزدىڭ ايماقتارىنداعى 1 204 ەلدى مەكەنگە بارىپ، بارلىق سالا وكىلدەرىنەن تۇراتىن 120 مىڭعا جۋىق ادامنىڭ قاتىسۋىمەن 2،5 مىڭنان استام كەزدەسۋ وتكىزدى. كەزدەسۋلەر بەيرەسمي، سەنىمدى تۇردە، اشىقتىق پەن ايقىندىق جاعدايىندا ءوتتى. 6 مىڭنان استام ءوتىنىش پەن ۇسىنىس قارالىپ، پارتيا مەن ۇكىمەت تاراپىنان پىسىقتالعاننان كەيىن ازاماتتارعا باياندالاتىن بولادى»، دەدى پاۆەل كازانسيەۆ.
جالپى، رەسپۋبليكالىق پارتيالىق شتاب مۇشەلەرى 6 مامىردان 3 ماۋسىمعا دەيىن ۇگىت-ناسيحات جۇمىستارى اياسىندا 12،7 مىڭ ءىس-شارا وتكىزدى. ولار شالعاي ەلدى مەكەندەردىڭ، اۋىلداردىڭ، قالالاردىڭ تۇرعىندارىمەن، جاستارمەن، مۇعالىمدەرمەن، كاسىپورىن قىزمەتكەرلەرىمەن كەزدەستى. 
داۋىس بەرۋ كۇنى «AMANAT» پارتياسىنىڭ 28 مىڭعا جۋىق وكىلى ەلىمىزدىڭ بارلىق سايلاۋ ۋچاسكەلەرىندە داۋىس بەرۋ بارىسى زاڭدىلىعىنىڭ ساقتالۋىن قاداعالادى.
«AMANAT» پارتياسىنىڭ باسپا ءسوز قىزمەتى
پىكىر قالدىرۋ