پارلامەنت قازاقستان پرەزيدەنتى قاسىم-جومارت توقايەۆتىڭ ورتالىق ازيا، كونگو، مالي جانە ليۆانداعى بۇۇ ميسسيالارىنا قاتىسۋ ءۇشىن قازاقستان قارۋلى كۇشتەرىنىڭ بىتىمگەرشىلىك كونتينگەنتىن جىبەرۋ تۋرالى ۇسىنىسىن ماقۇلدادى، دەپ حابارلادى Tengrinews.kz. سايتى.

"كونستيتۋسيانىڭ 53-بابى 5-تارماعىنا سايكەس بۇۇ-نىڭ ورتالىق افريكا رەسپۋبليكاسىنداعى تۇراقتاندىرۋ جونىندەگى كوپبەيىندى كەشەندى ميسسياسىنا، بۇۇ-نىڭ كونگو دەموكراتيالىق رەسپۋبليكاسىنداعى تۇراقتاندىرۋ جونىندەگى ميسسياسىنا، بۇۇ-نىڭ ماليدەگى تۇراقتاندىرۋ جونىندەگى كوپبەيىندى كەشەندى ميسسياسىنا، بۇۇ-نىڭ ليۆانداعى ۋاقىتشا كۇشتەرىنىڭ ميسسياسىنا قاتىسۋ ءۇشىن شامامەن 430 اسكەري قىزمەتشىنى قارۋلى كۇشتەردىڭ بىتىمگەرشىلىك كونتينگەنتىن جىبەرۋ تۋرالى ۇسىنىس ەنگىزەمىن" - دەدى جاقسىلىقوۆ پارلامەنت پالاتالارىنىڭ بىرلەسكەن وتىرىسىندا.

قورعانىس مينيسترلىگىنىڭ باسشىسى قازاقستاننىڭ شتابتىق وفيسەرلەر جانە اسكەري باقىلاۋشىلار رەتىندە جەكەلەگەن اسكەري قىزمەتشىلەردى، سونداي-اق بۇۇ ميسسيالارىنا بارىنشا سۇرانىسقا يە جاياۋ اسكەر، مەديسينالىق، بارلاۋ، ينجەنەرلىك اسكەري پوليسيا بولىمشەلەرىن بولۋگە دايىن ەكەنىن اتاپ ءوتتى.

"باعالاۋ جانە ىرىكتەۋ بىرنەشە كەزەڭنەن تۇرادى. ءبىز قازاقستاننان بۇۇ-عا بەس بولىمشەنى ۇسىندىق. ولاردىڭ بارلىعى دايىندىقتىڭ ءارتۇرلى دەڭگەيلەرىندە. ءبىز بولىمشەلەرىمىزدى بىردەن ەمەس، ءوتىنىم بويىنشا جىبەرەمىز. بىزگە ميسسيانى ورىنداۋعا دايىندىق بويىنشا باعا بەرىلەدى" دەدى رۋسلان جاقسىلىقوۆ.