بەلگىلى شەتەل ادەبيەتىنىڭ قازاق تىلىنە اۋدارىلعان كەزەكتى تۋىندىلارى وقىرمانعا جول تارتتى. بۇل جولى باتىستىق بالالار ادەبيەتىنىڭ كورنەكتى شىعارمالارى اۋدارىلعان. "مازمۇنداما" قوعامدىق قورى "بانك سەنتركرەديت" اكسيونەرلىك قوعامىنىڭ دەمەۋشىلىگىمەن قالىڭ كوپشىلىككە شون كوۆيدىڭ "جاسامپاز ءجاسوسپiرiمدەردiڭ 7 داعدىسى. ۇتقىر ءارi وزىق بولۋدىڭ جولدارى" جانە سابول ستەفانيدiڭ "كۇن جۇيەسi قايدا ورنالاسكان؟" اتتى كىتاپتاردى ۇسىنىپ وتىر. وسىعان وراي الماتى كىتاپ باسپا ۇيىندە كىتاپتاردىڭ تانىستىرۋ ءراسىمى ءوتتى.
ءىس-شاراعا كىتاپتاردىڭ جارىق كورۋiنە اتسالىسقان شىعارماشىلىق توپ، ك.بايسەيىتوۆا اتىنداعى دارىندى بالالارعا ارنالعان مەكتەپ-ينتەرنات وقۋشىلارى، "يگرا" اكتەرلىك مەكتەبiنiڭ شاكىرتتەرى، لەرمونتوۆ اتىنداعى ۇلتتىق ورىس تەاترىنىڭ اكتەرلەرi مەن "جاس ساحنا" تەاترىنىڭ اكتەرلەرi قاتىستى.
بالالار مەن جاسوسپىرىمدەردى قارجىلىق تۇرعىدا ساۋاتتاندىرۋعا باعىتتالعان "بانك سەنتركرەديت" Junior bank جوباسىنىڭ جەتەكشىسى نۇرگۇل نۇرماعامبەتوۆا بانك بيىلعى بالالار جىلىندا بالالار مەن جاستار اديەبيەتىن قولداۋدى ۇيعارعانىن، ەلدە بالالار ادەبيەنى كەنجەلەپ تۇرعانىن، سول ولقىلىقتىڭ ورنىن تولتىرۋ نيەتىمەن وسى جوبا جۇزەگە اسقانىن اتاپ ءوتتى.
ءىس-شارا بارىسىندا بالالارعا ارنالعان كىتاپتاردى اۋدارىپ، كوپشىلىككە ۇسىنۋ يدەياسىنا بانك ىستىق ىقىلاس تانىتقانى ايتىلىپ، "بانك سەنتركرەديت" اق باسقارما تەراعاسى عالىم حۋساينوۆتىڭ ارنايى جولداعان ءسوزى وقىلدى.
"ءبىز وسكەلەڭ ۇرپاققا جiتi كوڭىل بولەمiز. الەمدiك دەڭگەيدەگi تۋىندىلاردىڭ قازاق تىلىنە اۋدارىلۋى مانىزدى يدەولوگيا دەپ ويلايمىن. بالا – ەرتەڭگى ەل ازاماتى، ال جاستار – ەلدiڭ بولاشاعى. سول سەبەپتi كiتاپ وكۋ – بولاشاققا سالىناتىن ينۆەستيسيا. جالپى، بانك بالالارعا ارنالعان كوپتەگەن الەۋمەتتىك باستامالاردى قولداپ قانا قويماي، دەربەس جوبالاردى دا جۇزەگە اسىرىپ كەلەدi. قازiرگi تاڭدا ءبىز شاحمات فەدەراسياسىن، "بالانى قورعاۋ" جوباسىن مەكتەپتەرگە ەنگiزiپ، بانك ءبولiمشەلەرiندە Junior bank نەگiزiندە بالالارعا ارنالگان Kids room باستاماسىن جۇزەگە اسىرىپ جاتىرمىز" دەلىنگەن عالىم حۋساينوۆتىڭ سوزىندە.
"مازمۇنداما" قوعامدىق قورىنىڭ باسشىسى تەڭىز سەيىلحان الدىن الا تاپسىرىسپەن كىتاپتاردىڭ ەلەكتروندىق نۇسقاسىن دا الۋعا بولاتىنىن ءمالىم ەتتى.
– "مازمۇنداما" قوعامدىق قورى وسى ۋاكىتقا دەيiن دۇنيەجۇزىنە ميلليونداعان دانامەن تاراعان بەستسەللەرلەردi، الەم ادەبيەتiنiڭ جاۋھارلارىن، تانىمدىق تۋىندىلاردى، جالپى العاندا 70-كە جۋىق كىتاپتى قازاق تىلىنە اۋداردى. بiزدiڭ ماقساتىمىز – قازاق تiلiنiڭ مازمۇنىن بايىتۋ ارقىلى قازاق جاستارىنىڭ انا تiلiندە ماڭىزدى اقپاراتتاردى الۋىنا ىقپال ەتۋ. وسى ماقساتتى جۇزەگە اسىرۋ جولىندا بiزگە قولداۋ كەرسەتىپ، دەمەۋشى بولعان "بانك سەنتركرەديت" اق باسشىلىعىنا العىس ايتقىمىز كەلەدى، – دەدى تەڭىز سەيىلحان.
قوس كىتاپتى شىعارۋ جۇمىسىن اتقارعان شىعارماشىلىق توپ مۇشەسى، بەلگىلى جۋرناليست ساكەن سىبانباي شون كوۆي اكەسى ستيۆەن كوۆيدىڭ الەمدىك بەستسەللەرگە اينالىپ ۇلگەرگەن "جاسامپاز جانداردىڭ جەتى داعدىسى" ەڭبەگىن وقىپ شابىتتانىپ، "جاسامپاز ءجاسوسپiرiمدەردiڭ 7 داعدىسى. ۇتقىر ءارi وزىق بولۋدىڭ جولدارى" كىتابىن جازعانىن ايتادى. سوزىنشە، تانىمدىق ءارى پسيحولوگيالىق ەڭبەك جاستاردىڭ پسيحولوگيالىق ەرەكشەلىكتەرىن ەسكەرىپ جازىلعان. ول جەردەگى ومىردەن الىنعان ناقتى مىسالدار جاستاردىڭ كوپتەگەن ساۋالدارىنا جاۋاپ بەرىپ، ولارعا باعىت-باعدار بەرۋگە كومەكتەسەدى.
ال "كۇن جۇيەسi قايدا ورنالاسكان؟" كىتابىندا استرونوميانىڭ جاڭا ءداۋىرىنىڭ باستالۋى، عالىمدار اشقان جاڭالىقتار، NASA-نىڭ قازىرگى ميسسيالارى باياندالادى.
تانىستىرۋ ءراسىمى بارىسىندا ك.بايسەيىتوۆا اتىنداعى دارىندى بالالارعا ارنالعان مەكتەپ-ينتەرنات وقۋشىلارى ءان شىرقاپ، "جاس ساحنا" تەاترىنىڭ اكتەرلەرi كىتاپتاردان ۇزىندىلەر وقىدى.
بەستسەللەر تۋىندىلاردىڭ قازاقشا نۇسقالارى بۇگiندە ەلدiڭ بارلىق كىتاپ دۇكەندەرiنە ساتىلىمعا شىقتى.
پىكىر قالدىرۋ