بيىل مۇسىلماندار ءۇشىن قاسيەتتى قۇربان ايت 9-شى شىلدەگە بەلگىلەنگەن. وسىعان وراي باس ءمۇفتي كاسىپكەرلەرگە ۇندەۋ جاسادى دەپ حابارلادى استانا تەلەارناسى.
ول ازىق-تۇلىك پەن مال باعاسىن وسىرمەۋدى، حالىقتىڭ قالتاسىمەن ساناسۋعا شاقىرعان. سونداي-اق بيىل دا قۇرباندىق شالۋ ەل اۋماعىندا وفلاين جانە ونلاين رەجيمدە جۇزەگە اساتىنىن ايتقان. بۇل باعىتتا ارنايى سايت جۇمىس ىستەمەك.
"ۇستىمىزدەگى جىلدىڭ جىل ساناۋى بويىنشا 8 شىلدە كۇنى اللا قالاسا ارافا كۇنى بولادى. ال ەندى قۇربان ايت مەرەكەسەنىڭ العاشقى كۇنى، اللا قالاسا قۇربان ايت كۇنى ول توعىزىنشى شىلدەگە كەلىپ وتىر. اللا تاعالا بارشامىزدىڭ تىلەگىمىزدى-نيەتىمىزدى قابىل ەتسىن"، دەدى ناۋرىزباي قاجى تاعان ۇلى.
ونلاين تۇردە قۇربان شالام دەۋشىلەر qurban2022.kz سايتى ارقىلى قۇرباندىق مالىن تاڭداپ، كورسەتىلگەن رەكۆيزيتكە قاجەتتى قاراجاتتى اۋدارا الادى. قوي مەن ەشكىنى جەكە ادام، ال ءىرى قارا مەن تۇيە مالىن ءبىر نەمەسە 7 ادام بىرىگىپ شالۋىنا بولادى.
پىكىر قالدىرۋ