سىبايلاس جەمقورلىققا قارسى قىزمەت جامبىل وبلىسى بويىنشا اۋماقتىق دەپارتامەنتى ءبىلىم بەرۋ سالاسىنداعى بيۋدجەت قاراجاتىن جىمقىرۋ فاكتىسى بويىنشا قىلمىستىق ءىستى تەرگەپ جاتقانىن ءمالىم ەتتى.
انتيكور اقپاراتىنشا، دەپارتامەنت قىزمەتكەرلەرى "جاس مامان" جوباسى شەڭبەرىندە بولىنگەن 171 ملن تەڭگەدەن استام سوماعا بيۋدجەت قاراجاتىن جىمقىرۋ فاكتىسىن انىقتاعان.
جوبانىڭ ماقساتى كوللەدجدەر مەن جوعارى وقۋ ورىندارىن نەعۇرلىم سۇرانىسقا يە 100 كاسىپ بويىنشا جاڭعىرتۋ جانە بىلىكتى ماماندار دايارلاۋدىڭ حالىقارالىق تاجىريبەسىن ەنگىزۋ بولاتىن.
قازىرگى ۋاقىتتا قىلمىستىق ءىس شەڭبەرىندە ءبىرقاتار جەدەل-تەرگەۋ ءىس-شارالارى، ونىڭ ىشىندە ءتيىستى ساراپتامالار جۇرگىزىلىپ جاتىر. وولاردىڭ ناتيجەلەرى بويىنشا قىلمىستىق ءىس بويىنشا پروسەستىك شەشىم قابىلداناتىن بولادى.
پىكىر قالدىرۋ