7 جىل ىشىندە 1،3 ملن شارشى مەتر تۇرعىن ءۇي پايدالانۋعا بەرىلدى. سونداي-اق حالىقتى سۋمەن قامتاماسىز ەتۋ بويىنشا ايتارلىقتاي جۇمىس جۇرگىزىلدى. بۇل تۋرالى ورتالىق كوممۋنيكاسيالار قىزمەتىنىڭ بريفينگىندە شقو اكىمى دانيال احمەتوۆ ايتىپ بەردى.

2015 جىلدان باستاپ اباي وڭىرىندە 40 ملرد. تەڭگەگە 156 نىسان پايدالانۋعا بەرىلدى، بۇل اۋىلداردىڭ ورتالىقتاندىرىلعان سۋمەن جابدىقتاۋعا قولجەتىمدىلىگىن 2 ەسەگە، 42،7 پايىزدان 88،7 پايىزعا دەيىن ۇلعايتۋعا مۇمكىندىك بەردى.

– اباي وبلىسىندا وبلىستىق جانە اۋداندىق ماڭىزى بار 865 شاقىرىم جول، سونداي-اق سەمەي قالاسىنىڭ 223 شاقىرىم كوشە-جول جەلىسى جوندەلدى. 2018 جىلى سەمەيدىڭ ۇشۋ-قونۋ جولاعىن جانە اۋەجايىن قايتا جاڭارتۋ اياقتالدى، – دەدى دانيال احمەتوۆ.

2015 جىلدان باستاپ اباي وڭىرىندە 20 مەكتەپ، 4 بالاباقشا، 3 ستۋدەنتتىك جاتاقحانا سالىندى، 17 مادەنيەت جانە سپورت نىسانى ىسكە قوسىلدى، دەنساۋلىق ساقتاۋ مەن الەۋمەتتىك قامسىزداندىرۋدىڭ 4 جوباسى ىسكە اسىرىلدى.

– بۇدان باسقا، مەملەكەتتىك-جەكەشەلىك ارىپتەستىك شەڭبەرىندە 17 ملرد.تەڭگەگە 79 جوبا بويىنشا شارتتارعا قول قويىلدى، ونىڭ ىشىندە 68 - 7،5 ملرد. تەڭگەگە اياقتالدى، 11 - 9،5 ملرد. تەڭگەگە ىسكە اسىرۋ جالعاسۋدا. ەۋروپا قايتا قۇرۋ جانە دامۋ بانكىنىڭ قاراجاتى ەسەبىنەن 13 ملرد. تەڭگەگە 4 جوبا ىسكە اسىرىلۋدا، ونىڭ ىشىندە سۋمەن جابدىقتاۋ جانە سۋ بۇرۋ جۇيەسىن، سەمەي قالاسى مەن اۋدان ورتالىقتارىنىڭ كوشەلەرىن جارىقتاندىرۋ جۇيەسىن جاڭعىرتۋ. سونداي-اق، ءۇرجار اۋدانىنداعى الاكول كولىنىڭ جاعالاۋىنىڭ تۋريستىك ينفراقۇرىلىمىن جاقسارتۋ بويىنشا شارالار قابىلداندى. جاعالاۋدى دامىتۋعا بارلىعى 17 ملرد. تەڭگە جۇمسالدى، – دەپ مالىمدەدى ءوڭىر باسشىسى.