شقو كاتونقاراعاي اۋىلىندا اۋەجاي پايدا بولۋى مۇمكىن. بۇل تۋرالى شقو اكىمى دانيال احمەتوۆ وكق وتكەن بريفينگتە جۋرناليستەردىڭ سۇراقتارىنا جاۋاپ بەرە وتىرىپ حابارلادى.

وڭىردە وسكەمەن، ءۇرجار اۋەجايلارى قايتا جاڭعىرتىلدى، سوڭعىسى ەندى جاڭا – اباي وبلىسىنا جاتادى. اكىمنىڭ ايتۋىنشا، كەلەسى كەزەڭدە زايسان اۋە ايلاقتارىن قايتا جاڭارتۋ جالعاسادى، كاتونقاراعاي اۋىلىندا اۋەجاي سالۋ مۇمكىندىگى قاراستىرىلادى.

– قايتا جاڭارتۋدان كەيىن وسكەمەن اۋەجايى Boeing 747 ۇشاعىن قوسپاعاندا، ۇلكەن اۋە كەمەلەرىن قابىلداي الادى. جالپى، قايتا قۇرۋ ەكونوميكالىق كومپونەنتتى ارتتىرۋ ءۇشىن جاسالدى. ءقازىر وندا جۇك تەرمينالىن، ۋاقىتشا ساقتاۋ قويماسىن سالىپ جاتىرمىز. ءبىز ەلىمىزدىڭ ءىرى قالالارىمەن باسەكەگە تۇسە الامىز، – دەپ اتاپ ءوتتى دانيال احمەتوۆ.