شىعىس قازاقستاندا حالىقتى ۆاكسيناسيالاۋ جۇمىستارى جالعاسىپ جاتىر. بۇگىندە قايتا ۆاكسيناسيالاۋعا جاتاتىن ازاماتتاردىڭ 83%-ى قايتا ۆاكسيناسيادان ءوتتى. بۇل تۋرالى ق ر پرەزيدەنتى جانىنداعى ورتالىق كوممۋنيكاسيالار قىزمەتىنىڭ بريفينگىندە شقو اكىمى دانيال احمەتوۆ ايتىپ بەردى.

ۆيرۋسپەن كۇرەسۋدەن بولەك، ءوڭىردىڭ دەنساۋلىق ساقتاۋ جۇيەسىندە – انا مەن بالانى قورعاۋ، ونكولوگيالىق اۋرۋلارمەن جانە قان اينالىمى جۇيەسىنىڭ اۋرۋلارىمەن كۇرەس سياقتى باعىتتار بويىنشا مەديسينالىق مەكەمەلەردىڭ ماتەريالدىق-تەحنيكالىق بازاسىن نىعايتۋعا باسىمدىق بەرىلىپ وتىر.

– اعىمداعى جىلى دەنساۋلىق ساقتاۋ سالاسىنا بارلىعى 32 ملرد تەڭگە بيۋدجەت قاراجاتى قاراستىرىلعان. جەتەكشى شەتەلدىك كلينيكالاردا مەديسينا كادرلارىن وقىتۋ باعدارلاماسىن ىسكە اسىرۋ دا جالعاسىن تابۋدا. بۇگىندە 6 مىڭ مەديسينا قىزمەتكەرى وقۋدان ءوتتى، ونىڭ ىشىندە 341 دارىگەر شەتەلدە وقىدى، – دەدى دانيال احمەتوۆ.

اكىمنىڭ سوزىنشە، وبلىس بويىنشا جوعارى تەحنولوگيالىق مەديسينالىق كومەك بەس جىلدا 5،2 ەسەگە ارتقان.

– بۇگىنگى تاڭدا وبلىستا مەديسينالىق ۇيىمدار جوعارى تەحنولوگيالىق مەديسينالىق كومەكتىڭ 27 ءتۇرىن كورسەتەدى. ايتا كەتەيىك، اعىمداعى جىلى بۇل ءۇشىن 839 ملن تەڭگە قاراستىرىلعان، – دەدى وبلىس باسشىسى.