وسى اپتادا ەلدىڭ باسىم بولىگىندە اپتاپ ىستىق بولادى. بۇل تۋرالى قازگيدرومەت حابارلادى.
"اپتا باسىندا قازاقستان اۋماعىنىڭ باسىم بولىگى سولتۇستىك-باتىس انتيسيكلون جوتاسىنىڭ ىقپالىندا بولادى، 20 شىلدەدەن باستاپ سولتۇستىك-باتىس سيكلون جىراسىنىڭ جانە ونىمەن بايلانىستى اتموسفەرالىق ءفرونتالدى بولىكتەردىڭ ىقپالىندا بولادى. وسىعان بايلانىستى ەلىمىزدىڭ باسىم بولىگىندە نايزاعاي ويناپ، جەل كۇشەيەدى. باتىستا جانە وڭتۇستىك-باتىستا، 20 شىلدەدەن باستاپ ورتالىقتا، وڭتۇستىكتە، وڭتۇستىك-شىعىستا 40-45 گرادۋس قاتتى ىستىق كۇتىلەدى" دەلىنگەن قازگيدرومەت حابارلاماسىندا.
پىكىر قالدىرۋ