قىرعىزستاننىڭ ىستىقكول ايماعىنداعى "رۋح وردا" مادەني ورتالىعىندا ەكس-پرەزيدەنت نۇرسۇلتان نازاربايەۆقا ارنالىپ تۇرعىزىلعان ەسكەرتكىش الىنىپ تاستالعان. بۇل تۋرالى قىرعىزستاندىق kaktus.media پورتالى حابارلادى.
سۋرەتتە بەلگىلەنگەن جەردە بۇرىن نازاربايەۆقا ارنالعان ەسكەرتكىش تۇراتىن. ال ءقازىر جوق.
ەسكەرتكىش 2005 جىلى نۇرسۇلتان نازاربايەۆتىڭ 65 جىلدىعىنا وراي تۇرعىزىلعان.
باسىلىم تۋريستەردىڭ ۆيدەوسىنا قاراپ ەسكەرتكىش ءبىر جىل بۇرىن الىنىپ تاستالعان بولۋى مۇمكىن دەپ توپشىلايدى. ويتكەنى 2021 جىلدىڭ ورتاسىندا تۇسىرىلگەن ۆيدەولاردىڭ بىرىندە ەسكەرتكىش ورنىندا جوق. ال 2020 جىلعى ۆيدەودا ورنىندا تۇر. ەكس-پرەزيدەنتكە ارنالعان ەسكەرتكىش نەلىكتەن الىنىپ تاستالعانى ازىرگە بەلگىسىز.
پىكىر قالدىرۋ