بولات نازاربايەۆتىڭ قىزى گۇلميرا ابىشيەۆا اكەسى سىرقاتى باستالعان 2015 جىلدان بەرى بيزنەسپەن اينالىسۋدى دوعارىپ، ىستەرىن سەنىمدى ادامدارىنا تاپسىرعانىن ايتادى. بۇل تۋرالى ول ەكسپرەسس-ك باسىلىمىنا بەرگەن سۇحباتىندا جەتكىزدى.
گۇلميرا ابىشيەۆا باسپاسوزدە رەيدەرلىك باسىپ الۋ ارەكەتتەرىمەن اكەسىنىڭ ەسىمى قاتار اتالىپ جۇرگەنىن ەستىپ وتىرعانىن، ءبىراق اكەسى تۋرالى ايتىلىپ جاتقاننىڭ ءبارى وتىرىك، ارانداتۋ ەكەنىن اتاپ ءوتتى.
ونىڭ سوزىنشە، بۇرىن بولات نازاربايەۆتىڭ ءۇيى قوناقتان بوساماسا، اۋىرعان سوڭ ءارى قاڭتار وقيعاسىنان كەيىن ءبارى شامالعانعا (بولات نازاربايەۆتىڭ اۋىلى – رەد) بارار جولدى ۇمىتقان.
گۇلميرا ابىشيەۆا "جۇرتتىڭ ايتىپ جاتقانىنا مۇلدە ءمان بەرمەيتىن بولدىم، اقيقات ءبىر اللاعا عانا ايان. ءبىز باق-تا جازىپ جاتقاندا ەشقايدا دا قاشىپ كەتپەدىك، ءبارىمىز وسىندامىز. تەك اكەمىزدىڭ ەمى ءۇشىن (شەتەلگە – رەد.) بارىپ قايتتىق، ونىڭ ءومىرى ءۇشىن كۇرەستىك" دەپ وتىر.
