بالالاردى قورعاۋ كۇنى قارساڭىندا الماتى قالاسىنىڭ انالار كەڭەسى قيىن ومىرلىك جاعدايداعى بالالاردى قولداۋ ورتالىعىندا قايىرىمدىلىق اكسياسىن وتكىزدى.
ءىس-شارا انالار كەڭەسىنىڭ «بوتەن بالالار جوق» جوباسىن ىسكە اسىرۋ اياسىندا ۇيىمداستىرىلدى. بالالارعا باعالى سىيلىقتار، ۇستەل ويىندارى، بالمۇزداق جانە ت.ب. تابىس ەتىلدى.
ءىس-شارانى وتكىزۋگە «اسسامبلەيا جاستارى» مۇشەلەرى جانە قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى: ءابىلفاس ءمۇسلىم ۇلى حامەدوۆ جانە ۆاكيل گۋسەين ۇلى نابييەۆ قولداۋ كورسەتىپ، بەلسەندى قاتىستى. سونداي-اق وزبەك ەتنومادەني بىرلەستىگىنىڭ ءتوراعاسى ابدۋللا جاپار ۇلى يسماتۋللايەۆ جانە كورەي مادەني ورتالىعىنىڭ مۇشەسى يۋريي شين ماتەريالدىق كومەك كورسەتتى.
جاستار وكىلدەرى بالالاردى قولداۋ ورتالىعىنىڭ بالالارىمەن بىرگە اعاشتار مەن گۇلدەر وتىرعىزدى، سونداي-اق بالالار ءۇشىن انيماتورلارمەن ويىن-ساۋىق شوۋ-باعدارلاماسى ۇيىمداستىرىلدى.
ايتا كەتۋ كەرەك، الماتى قالاسىنىڭ انالار كەڭەسى جىل سايىن بالالارعا مورالدىق جانە ماتەريالدىق كومەك كورسەتە وتىرىپ، ءتۇرلى قايىرىمدىلىق اكسيالارىن وتكىزەدى.
«ءبىز، ارىپتەستەرىمىز: انالار كەڭەسىنىڭ مۇشەلەرى، پارلامەنت ءماجىلىسىنىڭ دەپۋتاتتارى جانە «اسسامبلەيا جاستارى» مۇشەلەرىمەن بىرگە، قيىن ومىرلىك جاعدايعا قاراماستان، ولار جارقىن بولاشاققا دەگەن قولداۋىن سەزىنىپ، ءۇمىتىن جوعالتپاۋى ءۇشىن وسى مەرەكەنى ۇيىمداستىردىق» دەدى الماتى قالاسى انالار كەڭەسىنىڭ ءتورايىمى ماحينۋر يسرايلوۆا.
مەرەكە وتە جاقسى ءوتتى، بالالار سىيلىقتار مەن شوۋ-باعدارلاماعا ريزا بولدى. ورتالىق باسشىلىعى ۇيىمداستىرۋشىلارعا بالالارعا ەرەكشە كوڭىل بولگەندەرى ءۇشىن العىس ايتتى.
الماتى قالاسى "قوعامدىق كەلىسىم" مەكەمەسىنىڭ باسپا ءسوز قىزمەتى
پىكىر قالدىرۋ