"سپۋتنيك" تۇرعىن ءۇي كەشەنىندەگى پاتەرلەردىڭ بىرىنەن تابىلعان 34 جاستاعى ايەل مەن ونىڭ 2015 جانە 2020 جىلعى بالالارىنىڭ دەنەسىنەن زورلىق-زومبىلىق ءىزى تابىلدى. بۇل تۋرالى الماتى پروكۋراتۋراسى ءمالىم ەتتى.
ءقازىر قالالىق پوليسيا دەپارتامەنتى كىسى ءولتىرۋ دەرەگى بويىنشا سوتقا دەيىنگى تەرگەۋ امالدارىن باستاعان.
"ءتيىستى ساراپتامالىق زەرتتەۋلەر تاعايىندالدى، بەينەماتەريالدار زەردەلەنىپ، كۋاگەرلەردەن جاۋاپ الىنۋدا. قىلمىستىق-پروسەسسۋالدىق كودەكستىڭ 201-بابىنا سايكەس سوتقا دەيىنگى تەرگەپ-تەكسەرۋدىڭ وزگە دەرەكتەرى جاريالانبايدى. قىلمىستىق ءىستى تەرگەۋدى قالا پروكۋراتۋراسى ەرەكشە باقىلاۋعا الدى" دەپ حابارلادى الماتى قالاسى پروكۋراتۋراسىنىڭ باسپا ءسوز قىزمەتى.
الماتىدا مامىر شاعىناۋدانىنداعى پاتەرلەردىڭ بىرىنەن 34 جاستاعى ايەل مەن ونىڭ ەكى بالاسىنىڭ دەنەسى تابىلعان بولاتىن.
پىكىر قالدىرۋ