قازاقستاندا وتكەن تاۋلىكتە 1169 ادامنان كوروناۆيرۋس 7 ادامنان پنيەۆمونيا انىقتالعان.
پاندەميا باستالعالى 1 380 960 ادامنىڭ كوروناۆيرۋسقا تاپسىرعان تەستى وڭ ناتيجە كورسەتكەن. 2020 جىلعى 1 تامىزدان بەرى جۇرگىزىلىپ كەلە جاتقان پنيەۆمونيا ستاتيستيكاسىنا سايكەس، وسى ۋاقىتقا دەيىن 89 817 ادام پنۆمونيا جۇقتىرعان.
18 تامىزداعى مالىمەت بويىنشا، 21 904 ادام كوروناۆيرۋستان ەمدەلىپ جاتىر. ولاردىڭ ىشىندە 994 پاسيەنت ستاسيوناردا، 20 910 ناۋقاس امبۋلاتوريالىق دەڭگەيدە ەم قابىلداۋدا.
ىندەتكە شالدىققاندار اراسىندا 36 ادامنىڭ جاعدايى اۋىر، 5 پاسيەنتتىڭ جاعدايى وتە اۋىر، 5 ناۋقاس ءوجج اپپاراتىندا جاتىر.
الدىڭعى كۇنى 1121 ادامنان كوروناۆيرۋس انىقتالعان
پىكىر قالدىرۋ