سىبايلاس جەمقورلىققا قارسى قىزمەت قازاقستان رەسپۋبليكاسى ۇلتتىق مۋزەيىنىڭ ديرەكتورى ارىستانبەك مۇحامەدي ۇلى مەن باسقا دا تۇلعالارعا قاتىستى بيۋدجەت قاراجاتىن اسا ءىرى مولشەردە ۇرلاۋ جانە لاۋازىمدىق وكىلەتتىكتەردى تەرىس پايدالانۋ فاكتىلەرى بويىنشا تەرگەۋدى جالعاستىرىە جاتقانىن ءمالىم ەتتى.
"تەرگەۋ "التىن ادامنىڭ الەم مۇراجايلارى بويىنشا شەرۋى" حالىقارالىق كورمەسىن وتكىزۋگە، سونداي-اق "قازاقستاننىڭ ۇلتتىق كيەلى نىساندارى مەن مۋزەي قورلارىن جالپىمەملەكەتتىك فوتوگراممەتريالىق 3D-سكانەرلەۋ" جانە "قازاقستان رەسپۋبليكاسىنىڭ ۇلتتىق سيفرلىق كينوكوللەكسياسىن سيفرلاندىرۋ" جوبالارىنا بولىنگەن بيۋدجەت قاراجاتىن ۇرلاۋ فاكتىلەرى بويىنشا جۇرگىزىلۋدە"، دەلىنگەن انتيكور حابارلاماسىندا.
بۇدان باسقا، ارىستابەك مۇحامەدي ۇلىنىڭ مادەنيەت جانە سپورت ءمينيسترى لاۋازىمىندا بولعان كەزىندە تۋىستارىنىڭ جانە ۇلەستەس تۇلعالارىنىڭ مەنشىگىنە "سۋ جانە قولدانبالى سپورت تۇرلەرى بويىنشا رەسپۋبليكالىق جوعارى سپورت شەبەرلىگى مەكتەبى" رمقك، "قازاق ەنسيكلوپەدياسى" اق جانە "قازاق عىلىمي-زەرتتەۋ مادەنيەت ينستيتۋتى" ج ش س زاڭسىز بەرۋگە قاتىسى بار-جوعى تەكسەرىلىپ جاتقانى حابارلاندى.
تەرگەلىپ جاتقان قىلمىستىق ىستەر بويىنشا مەملەكەتكە كەلتىرىلگەن زالالدىڭ الدىن الا سوماسى شامامەن 7 ملرد تەڭگەنى قۇرايدى.
ا.مۇحامەدي ۇلىنىڭ قاماۋدا ۇستاۋ مەرزىمى 4 ايعا دەيىن، ياعني 26 قىركۇيەككە دەيىن ۇزارتىلدى. تەرگەۋ جالعاسىپ جاتىر.
پىكىر قالدىرۋ