بىرنەشە جولاۋشى الماتى اۋەجايى مەن سكات كومپانياسىنىڭ قىزمەتكەرلەرى مەملەكەتتىك تىلدەگى وتىنىشىنە جاۋاپ بەرە الماي، تۇتىنۋشى رەتىندەگى قۇقىن اياقاستى ەتكەنىنە شاعىمداندى. وقيعا ورىندا تۇسىرىلگەن ۆيدەونى جۋرناليست ريشات اسقاربەك ۇلى جاريالادى.
جۋرناليست ۆيدەونى ەركىن ەربولەك ەسىمدى ازامات جەكەسىنە جولداعانىن ايتادى.
جولاۋشىنىڭ سوزىنشە، الماتىدان اتىراۋعا ۇشاتىن سكات اۋەكومپانياسىنىڭ DV-769 رەيسى بەس جارىم ساعاتقا كەشىككەن. سوعان بايلانىستى كومپانيانىڭ افاناسەنكو ۆالەريا، زازۋلينا ولەسيا ەسىمدى قىزمەتكەرلەرىنە جۇگىنگەنىندە ەشقايسىسى قازاقشا بىلمەيتىن بولىپ شىعادى.
نارازى جولاۋشىلار اۋەجايدىڭ جاۋاپتى قىزمەتكەرى – اۋىسىم باسشىسى نيكولاي بۋلەكوۆتى شاقىرسا، ول دا قازاقشا مۇلدەم تۇسىنبەيتىن بولىپ شىعادى. ونىڭ ۇستىنە، بارلىق بەيدجيكتەرى ورىس تىلىندە جازىلعان.
"اۋەجاي كەزەكشىلىك باستىعى ونىڭ ۇستىنە قازاق-ورىس تىلىندە ءتىلماش دەپ ءبىر قازاق جىگىتتى شاقىرىپ، ابدەن ۇياتقا قالدى. قازاق ەلىندە قازاق تىلىندە سويلەگەن تۇتىنۋشىعا قانداي ءتىلماش كەرەك؟ ەلىمىزدىڭ بەتكە ۇستار الماتى اۋەجايى اكىمشىلىگىنە جانە سكات اۆياكومپانياسىنىڭ اكىمىشىلىگىنە ءبىر توپ جولاۋشى وتە نارازى بولدى. بۇل قىزمەتكەرلەر تۇتىنۋشىلاردىڭ قۇقىقتارىن ساقتاماي وتىرىپ ءارى مەملەكەتتىك تىلگە قۇرمەتسىزدىك كورسەتكەن ءۇشىن ورنىن بوساتۋ كەرەك. ودان ءارى بۇل جاعداي قايتانبالاس دەپ ويلايمىز" دەيدى ناراى ازامات.
پىكىر قالدىرۋ