رەسەيدە ءىشىنارا موبيليزاسيا جاريالانعاننان كەيىن قازاقستانعا جاقىن كۇندەرى جۇزەگە اسىرىلاتىن رەيستەرگە بيلەت جوق، اۋەبيلەت باعاسى شارىقتاپ كەتتى، دەپ جازادى informburo.kz سايتى.
باسىلىم اۋەبيلەتتەرىن ىزدەۋگە ارنالعان ارنايى سايتتاردا 21 قىركۇيەكتە ۇشاتىن ۇشاقتاردا ورىن جوقتىعىن، 22،23 قىركۇيەك كۇندەرىنە از بيلەت قالعانىن، ونىڭ ءوزى قىمبات ەكەنىن جازادى.
بيلەت باعاسى ساعات سايىن قىمباتتاپ، قازىرگى ۋاقىتتا 210 مىڭ مەن 1 ملن 200 مىڭ تەڭگە ارالىعىندا ساتىلىپ جاتىر.
ەڭ قىمبات بيلەتتەر Emirates Airline جانە FlyDubai كومپانيالارىندا. بىرىككەن اراب امىرلىكتەرىنە تيەسىلى كومپانيالارى قازاقستانعا دۋباي ارقىلى 8 ملن 960 مىڭ تەڭگە اكەلەتىنى حابارلانعان.
رەسەيلىك The Village سايتىنىڭ مالىمەتىنشە، رەسەيدە قازاقستاننان بولەك گرۋزيا، ارمەنيا، تۇركيا باعىتتارىنداعى بيلەتتەر دە قىمباتتاعان. ءتىپتى تبليسيگە ۇشاقتار ادەتتەگىدەن 3-5 ەسەگە قىمباتقا ۇشىپ جاتقانى حابارلاندى.
پىكىر قالدىرۋ