ۇقك شەكارا قىزمەتى رەسەيمەن شەكارا جابىلاتىنى تۋرالى اقپاراتتى تەرىسكە شىعاردى.
"الەۋمەتتىك جەلىلەر مەن مەسسەندجەرلەردە قازاق-رەسەي شەكاراسىنداعى وتكىزۋ پۋنكتتەرىنىڭ جابىلۋى تۋرالى اقپارات تارالىپ جاتىر. قازاقستاندىق وتكىزۋ پۋنكتتەرى شتاتتىق رەجيمدە جۇمىس ىستەپ تۇرعانىن حابارلايمىز" دەلىنگەن حابارلامادا.
ۇقك مەملەكەتتىك شەكارا ارقىلى ادامداردى، كولىك قۇرالدارىن، جۇكتەر مەن تاۋارلاردى وتكىزۋ قازاقستان زاڭنامالارى مەن حالىقارالىق كەلىسىمدەرىنە سايكەس ىسكە اسىرىلىپ جاتقانىن، رەسەي تاراپىنان وتكىزۋ پۋنكتتەرىنىڭ جابىلۋى جونىندە رەسمي اقپارات حابارلانباعانىن جەتكىزدى.
پىكىر قالدىرۋ