قازگيدرومەت الداعى تاۋلىكتەردە سولتۇستىك-باتىس سيكلونىنىڭ سوڭىنان سۋىق انتيسيكلون كەلىپ، كۇن رايى سالقىندايتىنىن حابارلادى.
سينوپتيكتەر رەسپۋبليكانىڭ سولتۇستىك، ورتالىق جانە شىعىس وڭىرلەرىندە جاڭبىردىڭ سوڭى قارعا ۇلاسىپ، كوكتايعاق بولاتىنىن، تۇمان ءتۇسىپ، اۋا تەمپەراتۋراسى نولدەن تومەندەيتىنىن ايتادى.
جەل كۇشەيە تۇسپەك. ەلدىڭ وڭتۇستىك-باتىسىندا، وڭتۇستىگىندە شاڭدى داۋىل تۇرۋى ىقتيمال.
"ەلىمىزدىڭ سولتۇستىك وڭىرلەرىندە تەرمومەترلەردىڭ تۇنگى كورسەتكىشتەرى 1-6 گرادۋسقا دەيىن تومەندەيدى، ال كۇندىز اۋا تەمپەراتۋراسى 1-6 گرادۋسقا دەيىن ازداپ جوعارىلايدى، رەسپۋبليكانىڭ وڭتۇستىك جانە باتىس وڭىرلەرىندە كۇندىز اۋا تەمپەراتۋراسى15-23 گرادۋس ماڭايىندا بولادى" دەلىنگەن اقپاراتتىق حابارلامادا.
پىكىر قالدىرۋ