قحا ءتوراعاسىنىڭ ورىنباسارى مارات ءازىلحانوۆ الماتىدا «اسسامبلەيا جاستارى» بەلسەندىلەرىمەن كەزدەستى

/image/2022/09/27/crop-11_101_523x930_298316010_852376109080962_383619663070231430_n.jpg

كەزدەسۋ بارىسىندا جۇمىستىڭ جاڭا تاسىلدەرى، قحا جاستار جوبالارىن دامىتۋ يدەيالارى، ۆولونتەرلىك جانە قايىرىمدىلىق سالاسىنداعى باستامالار، وڭتۇستىك مەگاپوليس ۋنيۆەرسيتەتتەرىندە قحا جاستار ۇيىمىنىڭ وكىلدىگىن كەڭەيتۋ ماسەلەلەرى تالقىلاندى.

مارات ءازىلحانوۆ ءوز سوزىندە ەگجەي-تەگجەيلى ايتىپ وتكەن «قازاقستان حالقى اسسامبلەياسىنىڭ كادرلىق رەزەرۆى» جوباسى قاتىسۋشىلاردىڭ ەرەكشە قىزىعۋشىلىعىن تۋدىردى. سونداي-اق، قازاقستان رەسپۋبليكاسى پرەزيدەنتى اكىمشىلىگى قحا حاتشىلىعىنىڭ مەڭگەرۋشىسى اسسامبلەيا جاستارىنىڭ بەلسەندى جۇمىسى مەن جوبا اياسىنداعى جاڭا مۇمكىندىكتەرگە توقتالدى.

«اسسامبلەيا جاستارى» ۇيىمىنىڭ وكىلدەرى جۇمىستى باعالاۋ جانە جاستاردىڭ بەلسەندىلىك رەيتينگىن بەرۋ، جاڭا مەديا جوبالار، ەتنومادەني بىرلەستىكتەردىڭ جاستار قاناتتارىنىڭ بەلسەندىلىگىن ارتتىرۋ، الماتىدا ستۋدەنت جاستار فورۋمىن وتكىزۋ تۋرالى ۇسىنىستارىن ايتتى. ءوز كەزەگىندە جاس بەلسەندىلەر وزدەرىنىڭ «گۋرماندارى» جانە «پوحاباريم» مەديا جوبالارىن ازىرلەگەنى ءۇشىن جوعارى باعالاندى.

كەزدەسۋگە سونداي-اق قازاقستان رەسپۋبليكاسى ءبىلىم جانە عىلىم مينيسترلىگى ەتنوسارالىق قاتىناستاردى دامىتۋ كوميتەتىنىڭ ءتوراعاسى ع.شويكين، قحا قوعامدىق قۇرىلىمدارىنىڭ وكىلدەرى: رەسپۋبليكالىق دۇنگەن ەتنومادەني ورتالىعىنىڭ ءتوراعاسى ز. ماحۋسەيەۆ، قازاقستان ۇيعىر جاستارى وداعىنىڭ ءتوراعاسى ر.كايرىيەۆ، الماتى قالاسىنىڭ ەتنومادەني بىرلەستىكتەرىنىڭ جاستار قاناتتارىنىڭ جەتەكشىلەرى، مەگاپوليستىڭ ستۋدەنتتىك ءوزىن-وزى باسقارۋ ورگاندارىنىڭ وكىلدەرى قاتىستى.

الماتى قالاسى "قوعامدىق كەلىسىم" مەكەمەسىنىڭ باسپا ءسوز قىزمەتى

پىكىر قالدىرۋ

قاتىستى ماقالالار