قازاقستان كارىستەرى بىرلەستىگى ءتوراعاسىنىڭ كەڭەسشىسى گەورگيي كان قازاقستان مەن كورەيا رەسپۋبليكالارى اراسىنداعى ديپلوماتيالىق قارىم-قاتىناس ورناعانىنا 30 جىل تولۋىنا وراي قانداي ءىس-شارالار جۇزەگە اسىرىلىپ جاتقانىن ايتتى. بۇل تۋرالى قوعامدىق كەلىسىم ۇيىمى جۇمىسىنىڭ 9 ايداعى قورىتىندىسى مەن پرەزيدەنت جولداۋىنا وراي ەتنومادەني ورتالىقتارعا قولداۋ كورسەتۋ شارالارى تۋرالى وتكەن الماتىداعى ورتالىق كوممۋنيكاسيالار قىزمەتىندەگى بريفينگ بارىسىندا ءمالىم ەتتى.
– ەكى ەل اراسىنداعى ديپلوماتيالىق قارىم-قاتىناس ورناعانىنا 30 جىل تولۋ ءبىز ءۇشىن ماڭىزدى وقيعا. كورەيا رەسپۋبليكاسى قازاقستان تاۋەلسىزدىگىن جاريالاعان العاشقى كۇندەرى تاۋەلسىزدىكتى مويىندايتىنىن جاريالاپ، وسىندا ديپلوماتيالىق ميسسياسىن جىبەرەدى. ودان بەرى 30 جىل ءوتتى. ال قازاقستانعا كارىس ۇلتىن 1937 جىلى اكەلگەن. كارىستەن قيىر شىعىستا تۇرعاندا كورەيا قول سوزىم جەردە ەدى. 30 جىلدارعا دەيىن شەكارا اشىق بولاتىن. كەنەتتەن 10 مىڭ شاقىرىم جەردەگى ورتالىق ازياعا قاراي كوشىرەدى دە، قارىم-قاتىناس تەك 90 جىلدارى ورنايدى. سوندا كارىس قاۋىمى رەسمي بايلانىسسىز، تاريي وتانىنىن حابار الا الماي 50 جىلداي ۋاقىت ءومىر سۇرەدى. سوندىقتان بۇل 30 جىلدىق مەرەيتوي كارىستەر ءۇشىن، كورەيا رەسپۋبليكاسى ءۇشىن ماڭىزدى وقيعا. ءبىرىنشى كەزەكتە قازاقستان ءۇشىن بۇل داتانىڭ ءرولى ەرەكشە. بۇگىندە كورەيا ەلگە ينۆەستيسيا تارتۋ، بىرلەسكەن كاسىپورىندار بويىنشا الدىڭعى قاتارداعى ەلدەردىڭ ءبىرى. كورەيا ەكونوميكاسى بۇگىندە وزىق وندىققا كىرەدى. سوندىقتان ديپلوماتيالىق بايلانىستاپردىڭ 30 جىلدىعى ايتۋلى وقيعا، – دەيدى گەورگيي كان.
بىرلەستىك ءتوراعاسى كەڭەسشىسى ديپلوماتيالىق بايلانىستار ورناعان كەزدەگى كەي وقيعالار تۋرالى ايتىپ بەردى.
– كورەيانىڭ قازاقستانداعى العاشقى ەلشىسى كيم چان گىن دەگەن ازامات بولعان. كيم چان گىن مىرزا تاعايىندالىپ، جۇمىسقا كىرىسكەن كەزىندە ۇشتوبە دەگەن جەردە دەپارتاسيالانعان مىڭداعان كارىستەر تۇراتىنىن ەستىپ، سول جاققا اپارۋدى سۇرايدى. كۇز ءتۇسىپ، العاشقى قار جاۋعان قازان، قاراشا ايلارىندا ەلشى مىرزانى ۇشتوبەگە اپارادى. اينالا جازىق دالا. كورەيادا كۇرىش ەگەتىن اتاقتى ۇلكەن جازىق بار. ءۇزىندىعى 250 شاقىرىمداي بولادى. ونى ءبارى ماقتان تۇتادى. كيم چان گىن الماتىدان شىعىپ، قار باسقان كەڭ دالاعا قاراپ، سوندا كارىستەردى سوناۋ 37 جىلى وسى جەرگە اكەلگەن بە دەپ كوزىنە جاس العان. جاس الا تۇرىپ، وتانداستارىمدى وسىنداي جاعدايدا امان الىپ قالعان قازاق حالقىنا زور العىس بىلدىرەم" دەگەن. بۇل ەكى ەل اراسىنداعى بايلانىستار ەندى ورناي باستاعان كەز ەدى، – دەپ ەسكە العان ول قول ەل بايلانىستارىنىڭ 30 جىلدىعىن زور ىقىلاسپەن اتاپ وتەتىنىن جەتكىزدى.
ونىڭ ايتۋىنشا، 6 قازاندا الماتىعا كورەيانىڭ تەگۋ قالاسىنان ۇلتتىق مۋزىكا وركەستىرى كەلىپ، كونسەرت قويىپ كەتكەن.. تەگۋ كورەيانىڭ ۇلكەندىگى جونىنەن ءتورتىنشى قالاسى بولىپ سانالادى. ەكى قالا اراسىندا سەرىكتەستىك بويىنشا كەلىسىمدەرگە قول جەتكىزىلگەن.
– بىرلەستىك ۇيىمداستىرىپ جاتقان ءتۇرلى ءىس-شارالار قوس ەل اراسىنداعى دوستىقتىڭ 30 جىلدىعى يدەياسىن تۋ ەتىپ، ەلگەرىلەتۋگە باعىتتالعان. قازاقستان كارىستەرى بىرلەستىگى الداعى ۋاقىتتا كورەيا ەلىنىڭ قاتىسۋىمەن ۇلكەن جوبا قولعا الماقشى. ونىڭ اياسىندا كورەيلىك وزىق تەحنولوگيانى اگرارلىق سەكتورعا ارتۋ كوزدەلىپ وتىر. كورەيا ءىت سالادا دا مىقتى دامىعانى بەلگىلى. سيفرلاندىرۋ سالاسىندا دا كوپ جەتىستىككە جەتكەن. سولاردى قازاقستانعا اكەلگەك، ەندىرسەك دەگەن وي بار. بۇنى مەملەكەت باسشىسى قاسىم-جومارت توقايەۆ تە ۇدايى ايتادى. ءارى پرەزيدەنت ەكى ەل اراسىنداعى بەرىك بايلانىس پەن قارىم-قاتىناستىڭ جاندى، گۋمانيتارلىق، ادامي، مادەني كوپىرى ەلدە تۇراتىن 100 مىڭداعان كارىس ۇلتىنىڭ وكىلدەرى ەكەنىن دە تىلگە تيەك ەتىپ وتىرادى. سوندىقتان كارىستەر ءۇشىن قازاقستان ءبىزدىڭ وتانىمىز. كارىستەر قاۋىمداستىعىنىڭ باسشىسى يۋريي سحاي ايتپاقشى، تۋعان ەلدەي، ەل بولماس، تۋعان جەردەي جەر بولماس. بۇل ءبىزدىڭ انانىڭ سۇتىمەن سىڭگەن جەرىمىز، ال تاريحي وتانىمىز ءبىزدىڭ مادەني، رۋحاني، ەتنيكالىق شىققان جەرىمىز. جالپى جوسپارلار وتە اۋقىمدى، – دەدى ول.
پىكىر قالدىرۋ