وڭتۇستىك كورەيا پوليسياسىنىڭ باسشىسى يۋن حي گىن يتحيەۆون اۋدانىنداعى تار كوشەدە سىعىلىپ مەرت بولعان حەللوۋين قاتىسۋشىلارىنىڭ قازاسى ءۇشىن زور جاۋاپكەرشىلىكتى سەزىنەتىنىن ءمالىم ەتتى، دەپ جازادى Reuters اگەنتتىگى.
ول تەليەۆيدەنيە ارقىلى تىكەلەي ەفيردەن كورسەتىلگەن بريفينگ بارىسىندا پوليسيا وقيعا بولعان جەردىگى ادام ءنوپىرىن باقىلاۋدى دۇرىس جۇرگىزبەگەنىن جەتكىزدى.
"بولعان وقيعاعا بايلانىستى ۇلكەن جاۋاپكەرشىلىكتى سەزىنەمىن" دەدى يۋن حي گىن.
پوليسيانىڭ دۇرىس نۇسقاۋلىق كورسەتپەۋى ادامدار سىعىلىپ، ءبىرىن-بىرى تاپتاعان وقيعانىڭ ىقتيمالدى سەبەپتەرىنىڭ ءبىرى رەتىندە قاراستىرىلىپ وتىر. پوليسەيلەردىڭ دۇرىس ءجون سىلتەمەگەنىن كورگەن كۋاگەرلەر دە شىققان. كۋاگەرلەرلەردىڭ سوزىنشە، ادامدار پوليسەيلەردىڭ كومانداسىنان شاتاسىپ كەتكەن.
سوڭعى مالىمەتكەن ساي، وقيعا قۇرباندارىنىڭ سانى 156-عا جەتكەن. 41 ادام اۋرۋحانادا جاتىر. قازا تاپقاندار اراسىندا 1996 جىلى تۋعان قازاقستاندىق ستۋدەنت قىز دا بولعان. ول سەۋل ۋنيۆەرسيتەتىنىڭ ماگيستراتۋراسىندا وقىپ جۇرگەن.
پىكىر قالدىرۋ