سىرتقى ىستەر ءمينيسترىنىڭ ورىنباسارى رومان ۆاسيلەنكو "كارىم ءماسىموۆ ۆەنگريا ازاماتتىعىن العان" دەگەن اقپاراتتى جوققا شىعاردى.
"ۆەنگريا تاراپىنىڭ بىزگە بەرگەن مالىمەتىنشە، ءماسىموۆ مىرزانىڭ مۇنداي ازاماتتىعى بولماعان. قوسىمشا اقپارات تۇسكەن جوق. ءبىزدىڭ ەلدە قوس ازاماتتىققا تىيىم سالىنعان جانە باسقا ەلدىڭ ازاماتتىعىن العان ادام اۆتوماتتى تۇردە ءبىزدىڭ ازاماتتىقتان ايىرىلادى" دەپ جاۋاپ بەردى رومان ۆاسيلەنكو ءماجىلىس كۋلۋارىندا.
بۇعان دەيىن ۇقك-نىڭ بۇرىنعى ءتوراعاسى كارىم ماسىموۆتە ۆەنگريا مەملەكەتىنىڭ ازاماتتىعى بارى تۋرالى اقپارات تاراعان. 18 قاراشادا ءماسىموۆتىڭ سوتى باستالدى. وعان بىرنەشە ايىپ تاعىلعان، سولاردىڭ ىشىندەگى ەڭ اۋىرى مەملەكەتكە وپاسىزدىق جاسادى دەگەن ايىپ. سوت پروسەسسى استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا ءوتىپ جاتىر. ءىس "قۇپيا" ساناتىنا جاتاتىندىقتان، مالىمەتتەر جاريالانباي وتىر.
پىكىر قالدىرۋ