قاراعاندىلىق پوليسەيلەر ءۇندىستان ازاماتىن ۇرلاپ اكەتكەندەردى ۇستادى، دەپ حابارلادى Polisia.kz پورتالى.

قاراعاندى پوليسياسىنا 27 جاستاعى ءۇندىستان ازاماتى ارىزبەن شاعىمدانىپ، بەلگىسىز بىرەۋلەر كۇشتەپ اۆتوكولىككە وتىرعىزىپ، استانا قالاسىنا الىپ كەتكەنى تۋرالى حابارلاعان. ەلوردادا شەتەل ازاماتىن پاتەرگە اپارىپ، قورقىتىپ، كۇش قولدانۋ ارقىلى بوساتۋ ءۇشىن 200 مىڭ اقش دوللارىن تالاپ ەتكەن.

"استانا قالاسىنداعى جالدامالى پاتەرلەردىڭ ءبىرى انىقتالىپ، ول جەردەن بوپسالاۋ، ادامدى ۇرلاپ اكەتۋ كۇدىگىمەن جاستارى 26 مەن 34 جاس ارالىقتارىنداعى ءتورت وزبەكستان ازاماتى ۇستالدى. قازىرگى ۋاقىتتا ادام ۇرلاۋ، زاڭسىز باس بوستاندىعىنان ايىرۋ جانە بوپسالاۋ باپتارىمەن سوتقا دەيىنگى تەرگەۋ امالدارى جۇرگىزىلۋدە"، – دەپ حابارلادى قاراعاندى وبلىستىق پوليسيا دەپارتامەنتى باستىعىنىڭ ورىنباسارى ءابىل ءابىلدين.