سىبايلاس جەمقورلىققا قارسى قىزمەت اتىراۋ وبلىسى اكىمىنىڭ بۇرىنعى ورىنباسارىن اشكەرەلەۋگە كومەكتەسكەنى ءۇشىن وبلىس تۇرعىنى 12،2 ميلليون تەڭگە سىياقى العانىن حابارلادى. بۇل – پارا جالپى سوماسىنىڭ 10% قۇرايدى.

انتيكور مالىمەتىنشە، 2022 جىلى 40،6 ميلليون تەڭگەگە 134 ازاماتقا سىياقى تولەنگەن.

ەڭ ۇلكەن سىياقى كولەمى اتىراۋ جانە قىزىلوردا وبلىستارىندا بەرىلگەن.

"سىبايلاس جەمقورلىق قىلمىستاردى اشۋعا جاردەمدەسەتىن ازاماتتاردى كوتەرمەلەۋ قاعيدالارىنا سايكەس تولەمدەر ازاماتتار حابارلاعان ادامدارعا قاتىستى سوت ۇكىمى شىعارىلعاننان كەيىن جۇرگىزىلەدى. سونىمەن قاتار، سىبايلاس جەمقورلىققا قارسى قىزمەت اقپارات بەرۋشىلەردىڭ تولىق قۇپيالىلىعىن قامتاماسىز ەتەدى. اعىمداعى جىلدىڭ 3 قاڭتارىنان باستاپ ازاماتتاردىڭ بۇل ساناتى كۋاگەرلەردى قورعاۋ باعدارلاماسىنا تۇسەدى. سىبايلاس جەمقورلىق فاكتىسى تۋرالى كەز كەلگەن ازامات 1424 تەلەفونى بويىنشا انتيكوردىڭ Call-ورتالىعىنا حابارلاي الادى نەمەسە جۇمىس كۇندەرى ساعات 9:00-دەن 17:00-گە دەيىن ءار اۋماقتىق دەپارتامەنتتىڭ Antikor Ortalygy-نا بارا الادى" دەلىنگەن حابارلامادا.