بەلگىلى جۋرناليست سەرىكقالي جۇنىسبەك ۇلى قازاقستان حالىق پارتياسى ءتوراعاسىنىڭ ورىنباسارى قىزمەتىنە تاعايىندالدى.
سەرىكقالي جۇنىسبەك ۇلى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىندە وقىعان.
ستۋدەنت كەزىندە رەسپۋبليكالىق «وركەن» گازەتىندە ءتىلشى بولىپ ىستەگەن. مۇنان سوڭ جۋرناليستىك جولى «ەگەمەن قازاقستان» گازەتىندە، قازاق راديوسىندا جالعاسقان.
شىعارماشىلىعىمەن قاتار ۇيىمداستىرۋشىلىق، ىسكەرلىك قابىلەتىمەن كوز ءتۇسىپ، مەملەكەتتىك قىزمەتكە اۋىستى. سىرتقى ىستەر، مەملەكەتتىك كىرىس مينيسترلىكتەرىندە، پرەزيدەنتتىڭ باسپا ءسوز قىزمەتىندە، ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتىندە، «نۇر-مەديا» حولدينگىندە، ق ر كاسىپوداقتارى فەدەراسياسىندا جاۋاپتى قىزمەتتەر اتقاردى.
ەندى ءماجىلىس، ءماسليحات سايلاۋلارىندا ساياسي پارتيا جۇمىسىن جانداندىرا تۇسۋگە اتسالىسپاق.
پىكىر قالدىرۋ