جىلىنا 4 پايىزبەن اۆتونەسيەلەۋ باعدارلاماسىنا ءوتىنىم قابىلدايتىن پورتال ىسكە قوسىلماي جاتىپ، ىستەن شىقتى.
پورتال ارقىلى بۇگىن ساعات 10:00-دەن باستاپ ءوتىنىم قابىلداۋ باستالۋى كەرەك بولعان. الايدا قولدانۋشىلار پروسەدۋرالاردا قاتە شىعىپ جاتقانىن، كەيدە ءتىپتى كەي وپەراسيالار مۇلدە جوعالىپ كەتكەنىن ايتادى.
باستاپقىدا قاتەنىڭ دەنى پورتالعا تىركەلىپ، پروسەدۋرانى اياقتاۋ ساتىندە تۋىنداعان. ارەكەتتى قايتالاۋ كەزىندە اۆتوديللەردى تىركەۋ وپسياسى جوعالىپ كەتكەن.
ال كەي قولدانۋشىلار 10:00-دە كىرگەننىڭ وزىندە ءوتىنىم قابىلداۋعا ليميت تاۋسىلىپ قالاعانى جازىلعان تەرەزە شىعىپ، كوماندانى جالعاستىرۋ مۇمكىن بولماعان.
پورتالعا تەك 761 ادام ءوتىنىم قالدىرا الادى. ويتكەنى بۇل جولعى باعدارلاما بيۋدجەتى وسىعان دەيىن كولىك العان ازاماتتاردىڭ اي سايىنعى تولەمىنەن جينالعان سوماعا تەڭ. بۇگىندە كرەديت تولەمدەرى بويىنشا 7،6 ملرد تەڭگە جينالعان، ول 761 ادامدى قامتيدى دەپ بولجانىپ وتىر.
پىكىر قالدىرۋ