الماتىدا 5 ناۋرىز كۇنى ساعات 19:00-دە  «اعىن» اتتى الەم دراماتۋرگياسى تەاترىنىڭ رەسمي اشىلۋى وتەدى.

تەاتر ارتىستەرى ون سەگىز جاستان جيىرما سەگىز جاسقا دەيىنگى ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ تۇلەكتەرى.

تەاتر رەپەرتۋارىنا الەمنىڭ ايتۋلى جازۋشىلارى مەن دراماتۋرگتەرىنىڭ ەڭبەكتەرى ەنگەن. قويىلىمدار قازاق تىلىندە وتەدى. كورەرمەن قالاۋى بويىنشا ورىس تىلىندە سۋبتيترلەر بەرىلەدى.

العاشقى پەسالاردىڭ اۆتورلارى –قازاق جازۋشىلارى مۇحتار اۋەزوۆ، روللان سەيسەنبايەۆ، فرانسۋز جازۋشىسى – پروسپەر مەريمە، جاپون جازۋشىسى – اكۋتاگاۆا ريۋنوسكە، ورىس جازۋشىلارى – ەۆگەنيي پوپوۆ، يۋريي كازاكوۆ، امەريكا دراماتۋرگى – ۋيليام سارويان، گەنري ميللەر، نەمىس دراماتۋرگى – گەرمان گەسسە، كولۋمبيا جازۋشىسى – گابريەل گارسيا ماركەس.

پرەمەرا – «نامىس» سپەكتاكلى. قازاق جازۋشىسى روللان سەيسەنبايەۆتىڭ «نامىس» اتتى پوۆەسىنءىڭ جەلىسىمەن قويىلعان.

XVIII عاسىردا قازاق پەن جوڭعارلاردىڭ اراسىندا ولىسپەي بەرىسپەيتىن ۇزاق سوعىس باستالادى.

انا-جەر دە تالادى، كوزسىز باتىرلار دا كومۋسىز قالادى. تەك قازاق پەن جوڭعار جاۋىنگەرلەرى عانا مايدان دالاسىن قانعا بوياۋدان ءبىر تالمايدى.

بۇل اياۋسىز سوعىستا، ءبىر حالىق تاس-تالقان بولىپ جەڭىلۋى كەرەك. جوڭعارلار تاريح الاڭىنان جوعالىپ تىنادى.

ساحنا تورىندە، قولعا تۇسكەن جوڭعاردىڭ جاپ-جاس ءبيشى قىزى مەن ايتۋلى سىرنايشىسى جانە ادال، ءادىل قازاق باتىرى كۇشىكباي تۋرالى تەرەڭ سىرعا تولى اياۋسىز شىندىق ايتىلادى.

قويىلىم الماتى قالاسى ريشات جانە مۋسليم ابدۋلليندەر كوشەسى 38 مەكەنجايىندا وتەدى.