الماتى مەن اقتوبەدە ايەلدەردىڭ زەينەت جاسىن تومەندەتۋگە بايلانىستى ميتينگ ءوتتى. تاجىكستاندا 5،7 باللدىق جەر سىلكىنىسى بولدى. بۇل تۋرالى Qamshy.kz اقپارات اگەنتتىگى تولىعىراق حابارلايدى. 

قازاقستان جاڭالىقتارى

جامبىل وبلىسىندا 202 مىڭ گەكتار جەر مەملەكەتكە قايتارىلدى

جامبىل وبلىسىندا پايدالانىلماي جاتقان 202 مىڭ گەكتار جەر مەملەكەت مەنشىگىنە ءوتتى. بۇل القاپ بۇعان دەيىن 449 ادامنىڭ يەلىگىندە بولعان. وبلىستىق پروكۋراتۋرانىڭ ارالاسۋىنان سوڭ جەر سوتقا جەتپەي قايتارىلدى. سونىڭ ارقاسىندا جايىلىمنىڭ جەتىسپەۋشىلىگى ءىشىنارا شەشىلە باستادى. ماسەلەن بىلتىر اۋىل تۇرعىندارىنا 700 مىڭ گەكتارعا جۋىق مال جاياتىن اۋماق قاجەت بولعان. 

اقتوبە مەن الماتىدا ايەلدىڭ زەينەت جاسىن تومەندەتۋدى تالاپ ەتكەن ميتينگ ءوتتى

قازاقستاننىڭ باتىسىنداعى اقتوبە قالاسىندا ايەلدىڭ زەينەت جاسىن تومەندەتۋدى تالاپ ەتكەن ميتينگ ءوتتى. رۇقسات ەتىلگەن ميتينگ قالا شەتىندەگى "اۆياتور" پاركىندە بولدى، وعان 30 شاقتى ادام قاتىستى. جيىنعا كەلگەندەر قازاقستاندا ايەلدىڭ زەينەت جاسىن 58-گە ءتۇسىرۋدى تالاپ ەتتى.

ايەلدىڭ زەينەت جاسىن تومەندەتۋدى تالاپ ەتكەن ميتينگ الماتىدا دا ءوتتى. قازتاگ-تىڭ حابارلاۋىنشا، ايەلدەردىڭ ءبىرازى جيىنعا قازاقتىڭ ۇلتتىق كيىمىمەن كەلدى. ولار ايەلدىڭ زەينەت جاسىن تومەندەتۋ بولاشاق اجەلەردىڭ جاقسى ءومىر سۇرۋىنە جاعداي جاسايدى دەگەن پىكىر ايتتى.

ەلىمىزدە كوروناۆيرۋس جۇقتىرعان 4 ادامنىڭ جاعدايى اۋىر - دسم

قازاقستاندا كۆي ينفەكسياسىنا شالدىققاندار سانى ازايىپ كەلەدى. وتكەن تاۋلىكتە ەلىمىزدە 27 ادامنان كوروناۆيرۋس انىقتالدى. 9 ناۋرىزداعى مالىمەت بويىنشا، 1 731 ادام كوروناۆيرۋس ينفەكسياسىنان (–1 552 + جانە 179 كۆي-) ەمدەلۋدە، ولاردىڭ ىشىندە 135 پاسيەنت ستاسيوناردا، 1 596 ناۋقاس امبۋلاتوريالىق دەڭگەيدە ەم قابىلداۋدا.

الەم جاڭالىقتارى

تاجىكستاندا 5،7 بالدىق جەر سىلكىنىسى بولدى

توتەنشە جاعدايلار مينيسترلىگى "ستاك" ءجشس-نىڭ سەيسميكالىق ستانسالار جەلىسى 9 ناۋرىزدا الماتى ۋاقىتى بويىنشا ساعات 07:36-دا جەر سىلكىنىسىن تىركەدى. جەراستى ءدۇمپۋىنىڭ وشاعى الماتى قالاسىنان وڭتۇستىك-باتىسقا قاراي 598 شاقىرىم جەردە، تاجىكستان اۋماعىندا جاتىر.

ەگيپەتتە ستانسياعا كەلگەن پويىز اۋدارىلىپ قالدى

اپات 7 ناۋرىزدا كايردىڭ سولتۇستىگىندەگى كاليۋب قالاسىندا بولعان. ەگيپەتتەگى پويىز اپاتىنان زارداپ شەككەندەر سانى ءوستى. ەكى ادام قايتىس بولىپ، جارالانعاندار سانى 16 ادامعا جەتتى