اقش–تىڭ بۇرىنعى پرەزيدەنتى بيلل كلينتون 1994 جىلى ۋكراينانىڭ يادرولىق قارۋدان باس تارتۋىنا ىقپال جاساعانىنا وكىنەتىنىن ايتتى.
"كييەۆ اتومنان باس تارتپاعاندا، رەسەيدىڭ ۋكرايناعا شابۋىل جاساۋعا باتىلى جەتپەس ەدى. ۋكراينانى يادرولىق قارۋدان باس تارتۋعا كوندىرگەن مەن بولعاندىقتان، جاۋاپكەرشىلىكتى سەزىنەمىن" – دەدى ول يرلانديالىق RTÉ تەلەارناسىنا بەرگەن سۇحباتىندا.
كەڭەس وداعى قۇلاعاننان كەيىن رەسەيدىڭ سول كەزدەگى پرەزيدەنتى بوريس ەلسين جانە ۋكراينا باسشىسى لەونيد كراۆچۋك كلينتونمەن بىرگە ۋكراينادا قالعان يادرولىق قارۋ ارسەنالىن جويۋ تۋرالى ءۇشجاقتى كەلىسىمگە قول قويعان بولاتىن. سونىمەن قاتار، اقش سول جىلى ۋكراينانىڭ اۋماقتىق تۇتاستىعىن ساقتاۋ جونىندەگى رەسەي كەلىسىمىنىڭ قاتىسۋشىسى بولعان ەدى.
"ءپۋتيننىڭ ارەكەتى ۇلكەن قاتەلىك بولدى. ەۋروپا ۋكراينانى قولداۋىن توقاتپاۋى كەرەك. ۋكراينا مەن رەسەي بەيبىت كەلىسىمگە كەلەتىن ۋاقىت تا تۋىپ قالار. ءبىراق وعان دەيىن ۋكراينانى تاعدىر تالكەگىنە تۇسىرۋگە بولمايدى"، – دەدى ول.
سونداي–اق، بيلل كلينتون 1994 جىلى ۋكراينا رەسەيدەن يادرولىق قارۋ عانا قورعايتىنىن ايتىپ، يادرولىق ارسەنالدان باس تارتۋعا قورىققانىن دا جاسىرمادى.
پىكىر قالدىرۋ