بۇگىن پارلامەنت ءماجىلىسىنىڭ جالپى وتىرىسى ءوتىپ، جاڭا دەپۋتاتتار العاشقى ساۋالىن جولدادى.
تومەنگى پالاتانىڭ العاشقى وتىرىسىندا جارقىنبەك امانتاي ۇلى ەكىباستۇز قالاسىن جىلۋمەن قامتاماسىز ەتۋ جونىندە دەپۋتاتتىق ساۋال جولداسا، ءماجىلىس دەپۋتاتى رينات زايىتوۆ مادەنيەت سالاسىندا ەڭبەك ەتەتىن قىزمەتكەرلەرىنىڭ جالاقىسىن كوتەرۋ كەرەگىن ايتتى.
ال نارتاي ارالباي ۇلى پرەمەر–ءمينيستردىڭ ءبىرىنشى ورىنباسارى رومان سكليارعا قاڭعىباس يتتەرمەن كۇرەسۋ شارالارىن قولعا الۋ كەرەگىن ايتتى.
"بۇگىنگى دەپۋتاتتىق ساۋالىمىز ادام ومىرىنە قاتىستى بۇقارانىڭ بازىناسى دەسەم دە بولادى. ەلدەن حابار العاندا، كەزدەسكەندە ەستيتىنىمىز – قاڭعىباس يتتەن قورىققان اعايىننىڭ ارىزى. ولاردىڭ كوزىن جويايىن دەسە، قۇزىرلى ورگاندار "جانۋارلارعا جاۋاپكەرشىلىكپەن قاراۋ تۋرالى" زاڭنان زارەدەي قورقادى" – دەدى ول.
ەرمۇرات باپي ساياسي تۇتقىندارعا قاتىستى ماسەلە كوتەرگەن ەدى. الايدا پارلامەنتتىڭ العاشقى وتىرىسىندا "قاڭتار قىرعىنى" جونىندە ءسوز قوزعالمادى.
پىكىر قالدىرۋ